Пасля надзвычайнага здарэння на Нямізе: якія масты адрамантуюць у Мінску ў 2022 годзе

© Sputnik / Виктор ТолочкоКанструкцыі пуцеправода на Нямізе сабраны
Канструкцыі пуцеправода на Нямізе сабраны - Sputnik Беларусь, 1920, 31.01.2022
Падпісацца на
Yandex newsTelegram
За апошнія пяць гадоў у Беларусі адбылося некалькі выпадкаў абвальвання пуцеправодаў, адзін з апошніх і самых гучных – у студзені ў самым цэнтры сталіцы.
МІНСК, 31 сту - Sputnik. Улады Мінска сёлета плануюць абнавіць два пуцеправоды - на праспекце Жукава ў раёне чыгуначнай станцыі "Мінск-Сартавальны", а таксама на вуліцы Чыгуначнай.
Акрамя таго, ужо распрацавана праектная дакументацыя для капрамонту моста паміж Радыяльнай і Запарожскай, рыхтуецца праект па пуцеправодзе на Ваўпшасава, расказаў дырэктар ДП "Гардарбуд" Сяргей Панеў агенцтву "Мінск-Навіны".
Завяршаецца распрацоўка дакументаў для маставога збудавання на 25-м кіламетры МКАД (знешняе кольца), на праспекце Жукава - над Карла Лібкнехта, на вуліцы Маскоўскай са з'ездам на Брэст-Літоўскую.
Нагадаем, прэзідэнт Беларусі Аляксандр Лукашэнка падчас паслання беларусам і парламенту яшчэ раз узгадаў пра мост на Нямізе і акцэнтаваў увагу на тым, каб стан усіх пуцеправодаў у краіне павінен быць на пастаянным кантролі.

А што з іншымі мастамі?

Увосень мінулага года мінскія ўлады заяўлялі аб планах адрамантаваць у сталіцы каля 20 мастоў да 2025 года.
У сваю чаргу ўлады Мінскай вобласці заявілі, што ў 2022 годзе ў рэгіёне будуць рамантаваць 10 маставых збудаванняў у Бярэзінскім, Капыльскім, Крупскім, Мінскім, Пухавіцкім, Слуцкім, Старадарожскім і Чэрвеньскім раёнах. На гэтыя мэты плануецца выдзеліць 5 млн. беларускіх рублёў.
За апошнія пяць гадоў у Беларусі адбылося некалькі выпадкаў абвальвання пуцеправодаў, адзін з апошніх - у Барысаўскім раёне вясной мінулага года.
Самы гучны інцыдэнт здарыўся раніцай 8 студзеня 2022 года: упаў мост на Нямізе - прама ў цэнтры Мінска. Зараз ідзе будаўніцтва новага моста, пуцеправод ужо поўнасцю зманціраваны. Яго адкрыццё запланавана на 10 лютага.
Чытайце таксама:
Канструкцыі сабраны: мэр Мінска - аб узвядзенні моста на Нямізе
Фотафакт: як прасоўваецца будаўніцтва моста на Нямізе
Працуюць кругласутачна: як праходзіць будаўніцтва маста на Нямізе
Стужка навiн
0