Газета Pais атрымала ў распараджэнне адказ ЗША і НАТА на прапановы Расіі

© Sputnik / Алексей Витвицкий / Перайсці ў медыябанкФлаг ЗША
Флаг ЗША - Sputnik Беларусь, 1920, 02.02.2022
Падпісацца на
НовостиTelegram
Расійскі бок у канцы мінулага года апублікаваў свае прапановы па гарантыях міжнароднай бяспекі для заходніх контрпартнёраў. У падрабязнасцях разбіраўся Sputnik.
МІНСК, 2 лют – Sputnik. Вашынгтон прапануе Маскве пачаць абмеркаванне дамоўленасцяў на змену ДСНУ (Дагавор аб мерах па далейшым скарачэнні і абмежаванні стратэгічных наступальных узбраенняў), пра гэта паведамляе іспанскае выданне Pais.
Артыкул іспанскай газеты, прысвечаны адказу ЗША і НАТА на прапановы Расіі па гарантыях бяспекі, змяшчае маркіроўку з указаннем сталіц – Кіева і Мадрыда. Такім чынам, можна меркаваць, што ў рэдакцыі Pais аказаўся варыянт дакумента, з якім азнаёміліся ўкраінскія і іспанскія палітыкі.
Пры гэтым дакладна вядома, што Украіна была праінфармавана аб змесце дадзеных дакументаў.

Інцыдэнты на моры і ў паветры

"Мы (ЗША – Sputnik) гатовы разгледзець дамоўленасці або пагадненні з Расіяй па пытаннях двухбаковага характару, уключаючы пісьмовыя і падпісаныя інструменты, для вырашэння нашых заклапочанасцей у галіне бяспекі", – гаворыцца ў апублікаваным анлайн дакуменце.
Афіцыйны Вашынгтон гатовы правесці кансультацыі са сваімі партнёрамі і саюзнікамі, каб папярэдзіць магчымыя інцыдэнты на моры і ў паветры з расійскім бокам.
"НАТА не дамагаецца канфрантацыі. Але мы не можам пайсці на кампрамісы па прынцыпах, на якіх грунтуюцца наш альянс і бяспека ў Еўропе і Паўночнай Амерыцы, і мы не пойдзем", - прыводзіць цытату іспанскае выданне.

Кантроль над узбраеннямі

У тэксце дакумента таксама прыводзяцца словы аб тым, што ЗША пасля кансультацый са сваімі сатэлітамі "гатовы пачаць абмеркаванні па кантролі за ўзбраеннямі ў сферы ракет сярэдняй і меншай далёкасці наземнага базіравання ў рамках дыялогу па стратэгічнай стабільнасці паміж ЗША і Расіяй".
Вашынгтон прапануе ўключыць у пагадненне і "новыя віды міжкантынентальных сродкаў дастаўкі ядзернай зброі", заяўляючы аб неабходнасці "разгледзець нестратэгічныя ядзерныя ўзбраенні і неразгорнутыя боегалоўкі".
Таксама амерыканскі бок выказаў гатоўнасць на ўмовах адкрытасці пацвердзіць адсутнасць крылатых ракет "Тамагаўк" на аб’ектах СРА ў Румыніі і Польшчы. Але "пры ўмове, што РФ прапануе аналагічныя меры транспарэнтнасці для дзвюх баз з ракетамі наземнага базіравання ў РФ па нашым выбары".
Праўда, Злучаныя Штаты і НАТА асаблівы акцэнт зрабілі на тым, што ўстрымліваюцца ад размяшчэння дадатковай пастаяннай ядзернай зброі, у тым ліку, у краінах Усходняй Еўропы. Разам з тым у дакуменце ёсць такі цікавы абзац, дзе "НАТА прапануе... Расіі ўстрымацца ад правядзення выпрабаванняў супрацьспадарожнікавай зброі, якія прыводзяць да вялікай колькасці абломкаў".

Украіна і дыялог

"ЗША гатовы абмеркаваць узаемныя меры па забеспячэнні празрыстасці і ўзаемныя абавязацельствы як ЗША, так і Расіі, па абмежаванні разгортвання наступальных ракетных сістэм і пастаянных сіл з баявой місіяй на тэрыторыі Украіны", - гаворыцца ў дакуменце.
Асобна ў тэксце падкрэсліваецца, што расійскія прапановы па гарантыях бяспекі дазволілі вызначыць тэмы для далейшага канструктыўнага і значнага дыялогу. Таксама амерыканскі бок і Паўночнаатлантычны альянс гатовы абмяркоўваць умацаванне мер даверу ў такім важным пытанні, як правядзенне наземных вучэнняў у Еўропе.
"Мы таксама гатовы да абмеркавання непадзельнасці бяспекі – і нашага адпаведнага тлумачэння гэтага пытання – як указана ў артыкуле 1 расійскага праекта двухбаковага пагаднення", - канстатуецца ў тэксце.

Адчыненыя дзверы для дыялогу

У Злучаных Штатах па-ранейшаму выказваюць падтрымку палітыцы "адчыненых дзвярэй" Паўночнаатлантычнага альянсу. Пры гэтым выказваюць упэўненасць, што "Савет Расія-НАТА з’яўляецца прыдатным форумам для абмеркавання гэтага пытання".
У дакуменце падкрэсліваецца гатоўнасць афіцыйнага Вашынгтона працягваць працу з Крамлём у рамках дыялогу па стратэгічнай стабільнасці, які ўключае НАТА і АБСЕ. Паўночнаатлантычны альянс пры гэтым прапануе Расіі аднавіць выкананне дамовы аб звычайных узброеных сілах у Еўропе, а таксама стварыць канал экстранай сувязі паміж НАТА і Расіяй для зніжэння ўзаемных рызык.
Злучаныя Штаты вярнуліся да прапановы аб тым, што трэба пачаць тэрміновае абмеркаванне далейшай замены Дагавора аб мерах па скарачэнні і абмежаванні стратэгічных наступальных узбраенняў. Фактычна гэта азначае працу над пагадненнем, якое заменіць СНУ-3.
Дыпламатычная крыніца пацвердзіла РІА Навіны сапраўднасць адказу ЗША і НАТА на прапановы РФ па гарантыях бяспекі, апублікаваным іспанскай EL PAIS.
Прэзідэнт Расіі Уладзімір Пуцін - Sputnik Беларусь, 1920, 02.02.2022
Пуцін аб гарантыях бяспекі: Захад не ўлічыў ключавыя патрабаванні РФ
Таксама на Sputnik:
Лаўроў распавёў, чаго РФ чакае ад ЗША і НАТА
Адказ ЗША і НАТА на прапановы РФ - спроба "забалбатаць" праблемы
Пуцін асабіста прачытаў адказ ЗША па гарантыях бяспекі - Пяскоў
Яно ім трэба? Харватыя ўсумнілася ў адэкватнасці ЗША і НАТА
МЗС РФ назвала домысламі заявы аб размяшчэнні ядзернай зброі ў Беларусі
Стужка навiн
0