Пачалі будаваць завод, дзе будуць выпускаць беларускую вакцыну ад каронавіруса

© Sputnik / Кирилл Брага / Перайсці ў медыябанкЛабараторыя
Лабараторыя  - Sputnik Беларусь, 1920, 07.02.2022
Падпісацца на
НовостиTelegram
Вакцына будзе вырабляцца па поўным цыкле на прадпрыемстве пад Віцебскам, аналагаў новаму заводу для беларускай вакцыны ад COVID-19 у СНД няма.
МІНСК, 7 лют – Sputnik. Пад Віцебскам прыступілі да будаўніцтва завода, дзе будуць вырабляць беларускую вакцыну ад каронавіруса, распавялі ў эфіры тэлеканала АНТ.
Па планах, айчынны прэпарат ад COVID-19 паступіць у грамадзянскі абарот у 2023 годзе. У 2022-м будзе атрымана доследна-прамысловая партыя, будуць праходзіць даклінічныя і клінічныя выпрабаванні.
Эксперыментальная партыя, зробленая на этапе лабараторый, прайшла першыя іспыты. Навукоўцы ўжо расказвалі, што папярэдне вакцына паказала сваю бяспеку і эфектыўнасць: яна не таксічная і стымулюе выпрацоўку спецыфічных антыцелаў. Цяпер праект выйшаў на наступны этап - распрацоўка тэхналогіі вытворчасці.
"Вакцына будзе інактываваная, можна сказаць, гэта аналаг кітайскай вакцыны. Па свайму паходжанню дакладна такая ж, адрознівае яе толькі тое, што яна зроблена на аснове штамаў, якія цыркулююць на тэрыторыі Беларусі", - расказала намеснік дырэктара па навуковай рабоце РНПЦ эпідэміялогіі і мікрабіялогіі Аліна Дроніна.

Як прасоўваецца будаўніцтва

Для вытворчасці беларускай вакцыны выбралі пляцоўку "БелВітуніфарм" пад Віцебскам.
Прадпрыемства спецыялізуецца на выпуску ветпрэратаў, але гэта адзіная ў краіне вытворчасць, якая займалася імунабіялагічнымі прэпаратамі. Новая вытворчасць вакцыны ад каронавіруса і ветэрынарнае ніяк не будуць паміж сабой звязаны. Цяпер на "БелВітуніфарме" падрыхтоўваецца асобны цэх - невялікая лінія, дзе зробяць першую доследна-прамысловую партыю, далей прэпарат будуць выпускаць на асобным заводзе, будаўніцтва якога пачата ўжо.
Чытайце ў рэпартажы Sputnik, дзе і як будуць рабіць вакцыну ад каронавіруса.
Чытайце таксама:
Міфы, мемы і жарты: кіраўнік "БелВітуніфарма" шчыра пра беларускую вакцыну
Ад першых прышчэпак да планаў аб сваёй вакцыне: вынікі першага прышчэпачнага года
Беларусь закупіць 4 млн доз расійскай вакцыны ад каронавіруса
Стужка навiн
0