Цяпер дакладна: у школах Беларусі "ўдалёнкі" не будзе

© SputnikВучні перад раскладам заняткаў
Вучні перад раскладам заняткаў - Sputnik Беларусь, 1920, 08.02.2022
Падпісацца на
НовостиTelegram
У новым Кодэксе аб адукацыі афіцыйна замацоўваецца паняцце дыстанцыйнай формы навучання, аднак давацца яна будзе далёка не ўсім.
МІНСК, 8 лют – Sputnik. Дыстанцыйнае навучанне ў школах у новай рэдакцыі Кодэкса аб адукацыі не прадугледжана, заявілі Sputnik у Мінадукацыі.
Навучанне на "ўдалёнцы" змогуць прадастаўляць студэнтам ВНУ і ССНУ, а ў школах, згодна з новым кодэксам, дыстанцыйнай адукацыі не будзе. Таксама, на думку спецыялістаў Мінадукацыі, больш шырокае прымяненне такі фармат навучання можа атрымаць у дадатковай адукацыі дарослых.
"Ад перападрыхтоўкі да навучальных курсаў, дзе дыстанцыйная форма для матываваных дарослых людзей, вядома ж, можа быць эфектыўная", - заявіў начальнік галоўнага ўпраўлення прафесійнай адукацыі Мінадукацыі Сяргей Каспяровіч у эфіры СТБ.
Рэктар БДУІР Вадзім Богуш у сваю чаргу адзначыў, што вучоба ў дыстанцыйным фармаце не разлічана на школьнікаў. Ён лічыць, што гэта прыдумана ў асноўным для тых людзей, хто ўмее граматна кіраваць сваім часам і ў каго ёсць матывацыя для заняткаў на "ўдалёнцы".
"Магчымасць дыстанцыйнай формы адукацыі звязана яшчэ і са спецыфікай дзейнасці. Відавочна, што дыстанцыйна вучыцца ў сацыяльнай сферы практычна немагчыма", - сказаў ён.

Платформа зараз не патрэбна?

Нагадаем, летась у Беларусі зарабіла адзіная платформа для аддаленага навучання школьнікаў. Яна была створана спецыяльна для вучняў школ.
У Мінадукацыі падкрэслівалі, што такая форма навучання прымальная, аднак яна не павінна поўнасцю замяняць урокі, а толькі дапамагаць школьніку арганізоўваць навучальны працэс дома, калі ён, напрыклад, хварэе.
Чытайце таксама:
Выпускнікі школ будуць здаваць на два экзамены менш
Чаму нельга кінуць вучобу пасля 9-га класа, растлумачылі ў міністэрстве адукацыі
Навучальны год у школах будзе заканчвацца 31 жніўня
Стужка навiн
0