У Польшчы заявілі, што загарода на мяжы жывёлам перашкаджаць не будзе
Падпісацца
У загародзе будуць створаны праходы для жывёл, а некаторыя ўчасткі мяжы ўвогуле не плануецца агароджваць.
МІНСК, 9 лют – Sputnik. Плот, які ўзводзіцца на польска-беларускай мяжы, не будзе перашкаджаць міграцыі жывёл, заявілі ў Галоўным упраўленні аховы навакольнага асяроддзя Польшчы.
Раней розныя арганізацыі дзвюх краін, якія займаюцца пытаннямі аховы прыроды, неаднаразова паведамлялі, што загарода з калючага дроту, якая будуецца на мяжы, негатыўна паўплывае на жыццё лясных насельнікаў – жывёлы, у тым ліку буйныя – ласі і зубры, не змогуць свабодна перамяшчацца па тэрыторыі Белавежскай пушчы.
"Няпраўда, што плот, які будуе Польшча, прадухіліць міграцыю дзікіх жывёл", - гаворыцца ў паведамленні.
To nieprawda, że budowana przez Polskę zapora uniemożliwi migrację dzikich zwierząt. Rekomendacje służb środowiskowych są brane pod uwagę, dlatego w trosce o przyrodę zaplanowano przejścia dla zwierząt, a niektóre odcinki granicy w ogóle nie będą grodzone (inne zabezpieczenia). pic.twitter.com/roUGQct92V
— Generalna Dyrekcja Ochrony Środowiska (@GSrodowiska) February 9, 2022
Ва ўпраўленні падкрэслілі, што пры вядзенні работ улічваюцца рэкамендацыі прыродаахоўных службаў, таму ў загародзе будуць створаны праходы для жывёл, а некаторыя ўчасткі мяжы ўвогуле не будуць агароджаны.
"Канцэрціна" на мяжы
Пасля абвастрэння сітуацыі з мігрантамі ў канцы 2021 года Літва, Латвія і Польшча пачалі будаваць калючую мяжу на мяжы з Беларуссю. Практычна адразу на калючцы сталі гінуць жывёлы. Беларускія пагранічнікі неаднаразова паведамлялі і давалі фота і відэа пра загінулых і параненых звяроў, якія заблыталіся ў "калючцы".
Польшча збіраецца працягнуць па беларускай мяжы калючы плот даўжынёй 186 кіламетраў, кошт праекта – каля 400 мільёнаў долараў ЗША. На мяжы Літвы з Беларуссю ўсталявана ўжо 170 кіламетраў калючага дроту.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
23 студзеня 2022, 14:44
Чытайце таксама:
Палякі разрэзалі "калючку" на мяжы, каб прапусціць зубра
Пашкодзіў вочы і сышоў крывёй: лось загінуў на беларуска-літоўскай мяжы
Лукашэнка назваў дурной задумай будаўніцтва сцяны на мяжы Польшчы і Беларусі
WWF лічыць катастрофай для Белавежскай пушчы "калючку" на мяжы
Польшча 25 студзеня пачне ўзвядзенне агароджы на мяжы з Беларуссю
