Экспартныя пошліны на нафту і нафтапрадукты панізіліся ў Беларусі

© Sputnik / Александр Гальперин / Перайсці ў фотабанкЧыгуначная цыстэрна з палівам
Чыгуначная цыстэрна з палівам - Sputnik Беларусь, 1920, 31.05.2022
Падпісацца на
Yandex newsTelegram
Стаўкі вывазных мытных пошлін адносна сырой нафты і асобных катэгорый тавараў, выпрацаваных з нафты, пераглядаюцца штомесяц.
МІНСК, 31 мая – Sputnik. Улады Беларусі прынялі рашэнне панізіць экспартныя пошліны на нафту і нафтапрадукты, якія вывозяцца за межы мытнай тэрыторыі Еўразійскага эканамічнага саюза.
Адпаведная пастанова Савета Міністраў ад 28 мая №1932 апублікавана на Нацыянальным прававым інтэрнет-партале ў аўторак.
У адпаведнасці з дакументам стаўкі экспартных пошлін будуць:
на сырую нафту, мазут, бітум нафтавы, вазелін і парафін, адпрацаваныя нафтапрадукты – 44,8 долара за тону (раней 49,6 долара),
на прамагонны бензін – 24,6 долара за тону (раней 27,2 долара),
на таварныя бензіны, дызельнае паліва, лёгкія, сярэднія дыстыляты, бензол, талуол, ксілолы, маслы змазачныя – 13,4 долара (раней 14,8 долара).
Дакумент набудзе моц з 1 чэрвеня 2022 года.
Стаўкі вывазных мытных пошлін пераглядаюцца штомесяц.
Раней Надзвычайны і Паўнамоцны Пасол Расійскай Федэрацыі ў Рэспубліцы Беларусь Барыс Грызлоў заяўляў, што адзіны рынак нафты Расіі і Беларусі – гэта пытанне 2023 года. Ён прадугледжаны адной з 20 саюзных праграм, узгодненых прэзідэнтамі Аляксандрам Лукашэнкам і Уладзімірам Пуціным на Вышэйшым Дзяржсавеце ў лістападзе мінулага года.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Новыя тарыфы на транспарціроўку нафты ўстаноўлены ў Беларусі
Прэзідэнт Беларусі гатоў вазіць калій "мяшкамі" або дызель "бочкамі"
ЕС здзяйсняе аўтадафэ, адмаўляючыся ад энергарэсурсаў з РФ – Пуцін
Як у Беларусі будзе спаганяцца збор за продаж нафты
Як ва ўмовах санкцый выжываюць беларускія нафтавікі і калійшчыкі?
Стужка навiн
0