Пяскоў: пастаўкі газу ў краіны, якія не плацяць у рублях, спынены

© Sputnik / Алексей Витвицкий / Перайсці ў медыябанкГазакампрэсарная станцыя Gascade у Айслебене
Газакампрэсарная станцыя Gascade у Айслебене - Sputnik Беларусь, 1920, 09.06.2022
Падпісацца на
НовостиTelegram
Прэс-сакратар прэзідэнта РФ пацвердзіў інфармацыю аб спыненні паставак газу ў дзяржавы, якія не выканалі ўмову аб аплаце ў расійскай валюце.
МІНСК, 9 чэр – Sputnik. Заходнія энергетычныя кампаніі, якія не пагадзіліся аплачваць пастаўкі расійскага газу ў рублях, ужо не атрымліваюць яго, і новых адключэнняў не запланавана, паведаміў прэс-сакратар прэзідэнта РФ Дзмітрый Пяскоў.
"Ужо адключаны, так", - сказаў ён журналістам, пацвердзіўшы інфармацыю аб тым, што блакітнае паліва больш не пастаўляецца ў краіны, якія не пагадзіліся з умовамі па аплаце газу, устаноўленымі РФ.
Акрамя таго, Пяскоў адзначыў, што тыя дзяржавы, у якія расійскі газ зараз пастаўляецца, працуюць ужо з аплатай рублямі, і новых адключэнняў ад паставак пакуль не плануецца.
"Сістэма працуе, сістэма наладжана, і тыя, хто атрымлівае газ, яны ўжо працуюць па новай сістэме, якая прапісана ў адпаведным указе прэзідэнта Расіі", - распавёў прэс-сакратар.
Умову аб аплаце газу ў расійскай валюце Уладзімір Пуцін паставіў замежным спажыўцам у сакавіку. Некаторыя краіны ЕС, напрыклад, Венгрыя, пагадзіліся на яе, іншыя – адмовіліся.
У Газпроме 19 мая заяўлялі, што рахункі для аплаты газу ў рублях адкрыла палова з 54 газавых кампаній, з якімі ў расійскага пастаўшчыка заключаны кантракты.
Па распрацаванай Расіяй і ЕС схеме кампаніі-імпарцёры адкрываюць рахункі ў Газпрамбанку, куды пералічваюць валюту. Яна прадаецца на біржы за рублі. З выручанай сумы ў рублях ідзе пералічэнне аплаты за газ.
У канцы мая Газпром адключыў ад паставак газу Фінляндыю, бо яе энергетычная кампанія адмовілася плаціць за энергарэсурсы ў расійскіх рублях.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Расійскі газ у Сербію будзе пастаўляцца без перабояў - Крэмль
ЕС здзяйсняе аўтадафэ, адмаўляючыся ад энергарэсурсаў з РФ – Пуцін
Беларусь заняла трэцяе месца ў рэйтынгу краін па таннасці газу
"Газпром" поўнасцю спыніў пастаўкі газу ў Фінляндыю
Газ за рублі: Новак распавёў, колькі кампаній адкрылі новыя рахункі
Стужка навiн
0