Больш за 2,1 тыс выпадкаў воспы малпаў зарэгістраваны ў свеце – СААЗ

© Pixabay / Alexandra_KochВоспа малпаў
Воспа малпаў - Sputnik Беларусь, 1920, 18.06.2022
Падпісацца на
НовостиTelegram
Гэты вірус выяўлены ўжо ў 42 краінах свету, а ў Нігерыі зафіксаваны першы лятальны выпадак ад воспы малпаў.
МІНСК, 18 чэр – Sputnik. З пачатку 2022 года ў свеце зарэгістраваны 2 103 пацверджаныя выпадкі заражэння воспай малпаў, паведаміла Сусветная арганізацыя аховы здароўя (СААЗ).
Паводле інфармацыі арганізацыі, усе гэтыя выпадкі былі выяўлены ў 42 краінах, размешчаных у пяці рэгіёнах СААЗ. Таксама ёсць інфармацыя аб адным смяротным зыходзе.
Як адзначылі спецыялісты СААЗ, асноўная колькасць выяўленых выпадкаў захворвання (98%) адносіцца да перыяду, пачынаючы з мая.
Па дадзеных арганізацыі, больш за ўсё тых, хто заразіўся, выяўлена цяпер у Вялікабрытаніі – 524. Далей ідуць Іспанія (313), Германія (263), Партугалія (241), Канада (159), Францыя (125), Нідэрланды (80), ЗША (72) , Італія (68) і Бельгія (52). У астатніх 32 краінах колькасць выпадкаў заражэння воспай малпаў не перавышае пяцідзесяці.
Што тычыцца смяротнага зыходу, то ён зафіксаваны ў Нігерыі.

Гэта далёка не ўсё

Эксперты СААЗ мяркуюць, што гэта далёка не ўсе выпадкі заражэння гэтай інфекцыяй, хутчэй за ўсё яна выяўлена ў большай колькасці краін, а распаўсюджванне віруса працягнецца.
Пры гэтым яны да гэтага часу лічаць рызыку для шырокай публікі нізкай.

Вірус блізка

Упершыню за доўгі час вірус воспы малпаў за межамі эндэмічнага рэгіёна быў зафіксаваны ў Вялікабрытаніі 7 мая. Потым ён досыць хутка распаўсюдзіўся ў еўрапейскім рэгіёне.
Не так даўно першы выпадак захворвання на воспу малпаў быў пацверджаны і ў суседняй для Беларусі краіне – Польшчы. У польскім Міністэрстве аховы здароўя расказалі, што было дзесяць падазроных выпадкаў, узоры яшчэ даследуюцца, але 10 чэрвеня першы выпадак усё ж быў зарэгістраваны. Вядома, што хворы знаходзіцца ў шпіталі.
А ў суседняй Латвіі першы выпадак заражэння воспай малпаў быў выяўлены 3 чэрвеня.
Дарэчы, у Беларусі тэст-сістэма, якая дае магчымасць дыягнаставаць вірус воспы малпаў, ужо распрацавана. Яна з’яўляецца стандартнай і ўключае ў сябе некалькі этапаў. У прыватнасці, гэта падбор нуклеатыдных паслядоўнасцяў, якія павінны быць спецыфічныя для дадзенага ўзбуджальніка.
Дыягностыка на прадмет інфіцыравання воспай малпаў, хутчэй за ўсё, будзе праводзіцца на базе РНПЦ эпідэміялогіі і мікрабіялогіі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Беларускія спецыялісты стварылі тэст-сістэму для дыягностыкі воспы малпаў
Першыя выпадкі воспы малпаў выявілі ў Бразіліі і Грэцыі
СААЗ не ўпэўнена, што распаўсюджванне воспы малпаў атрымаецца стрымаць цалкам
Успышка воспы малпаў: што пра яе вядома і ці чакаць новую пандэмію?
Краіны ЕАЭС узмацнілі кантроль на межах з-за воспы малпаў
Стужка навiн
0