Новы транспартны калідор Еўропа – Заходні Кітай пройдзе праз Беларусь

© PixabayГрузавы састаў, архіўнае фота
Грузавы састаў, архіўнае фота - Sputnik Беларусь, 1920, 21.06.2022
Падпісацца на
Yandex newsTelegram
У рамках глабальных узрушэнняў востра стаіць пытанне па стварэнні новай архітэктуры работы ЕАЭС. Краіны-ўдзельнікі саюза дамовіліся развіваць транспартную інфраструктуру.
МІНСК, 21 чэр – Sputnik. Еўразійскія транспартныя калідоры і маршруты будуць развівацца, з’явяцца новыя чыгуначныя напрамкі, у тым ліку – праз Беларусь, заявіў старшыня Калегіі Еўразійскай эканамічнай камісіі Міхаіл Мясніковіч на пашыраным пасяджэнні Еўразійскага міжурадавага савета, перадае карэспандэнт Sputnik.
Міхаіл Мясніковіч адзначыў, што ранейшага ўзроўню глабалізацыі ўжо не будзе, таму неабходна выбудоўваць работу Еўразійскага эканамічнага саюза ў новых рэаліях. У сувязі з гэтым прынята рашэнне па развіцці транспартнай інфраструктуры, у тым ліку – еўразійскіх транспартных калідораў і маршрутаў, што сфарміруе новы міжнародны транспартны калідор Еўропа – Заходні Кітай.
"Напрыклад, прапанова пракласці паўднёвую чыгунку ў Арменіі, рэканструяваць аўтамабільную дарогу М1 для развіцця аўтамабільнага маршруту Еўропа – Заходні Кітай з адгалінаваннем на Беларусь, пабудаваць чыгунку Еўропа – Заходні Кітай. І чыгунку Кітай – Кыргызская Рэспубліка – Узбекістан", - заявіў старшыня ЕЭК Міхаіл Мясніковіч.

Моцныя рынкі і нацыянальныя валюты

На пасяджэнні Еўразійскага міжурадавага савета абмяркоўвалася, як узмацніць прамысловую кааперацыю краін-удзельніц. Міхаіл Мясніковіч адзначыў, што тут трэба не проста падтрымліваць тое, што маем, але і развіваць высокатэхналагічныя галіны, каб ствараць новую канкурэнтна здольную прадукцыю.
"Ажыццяўляецца сур’ёзная трансфармацыя як сусветных рынкаў капіталу, так і трансфармацыя валютных рынкаў нашых дзяржаў, нацыянальных валют. Гэта адкрывае дадатковыя магчымасці – як крыніцы фінансавання, так і праграмы развіцця", - дадаў Міхаіл Мясніковіч.
Закраналася тэма выканання правіл канкурэнцыі на рынках ЕАЭС, цяпер гэтыя пытанні стаяць вельмі востра, у прыватнасці – на ўзроўні нацыянальных урадаў, якія ўводзяць абмежаванні, не прадугледжаныя ў дагаворы аб Еўразійскім эканамічным саюзе.
"Але мы знайшлі варыянт распараджэння, якія падпісалі прэм’ер-міністры для таго, каб па адчувальных таварных групах паспяхова вырашаць пытанні ўнутранага спажывецкага рынку", - заявіў Міхаіл Мясніковіч.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Мішусцін: у свеце расце цікавасць да супрацоўніцтва з ЕАЭС
Беларусь павялічыла тавараабарот з краінамі ЕАЭС на 10%
Мішусцін прапанаваў паскорыць пераход на ўласныя фінансавыя механізмы
Квоты на цукар і пошліны: у Мінску прайшло пасяджэнне Савета ЕЭК
ЕАЭС трымае абарону ў глабальнай эканамічнай вайне – Галоўчанка
Стужка навiн
0