Беларусь і РФ створаць сумесную групу для расследавання спраў аб генацыдзе
11:11 23.06.2022 (абноўлена: 15:45 28.06.2022)
© Sputnik / Виктор Толочко
Падпісацца
Узаемадзеянне дзвюх краін дасць магчымасць аператыўна абменьвацца інфармацыяй і спросціць парадак дзеянняў.
МІНСК, 23 чэр – Sputnik. Старшыня Следчага камітэта Расіі Аляксандр Бастрыкін і генпракурор Беларусі Андрэй Швед падпісалі пастанову аб стварэнні сумеснай следча-аператыўнай групы для расследавання спраў аб генацыдзе, перадае Sputnik.
"З красавіка 2021 года Генеральная пракуратура сумесна з калегамі са Следчага камітэта, МУС, Камітэта дзяржбяспекі, Дзяржкамітэта судовых экспертыз праводзяць поўнамаштабнае расследаванне. У Расійскай Федэрацыі Следчым камітэтам расследуецца аналагічная справа", - заявіў Швед.
Па словах Шведа, уся Беларусь – гэта адна брацкая магіла, былі дапытаны звыш 15 тысяч жывых сведкаў генацыду беларускага народа. Але ёсць складанасць – большасць дакументаў знаходзіцца на тэрыторыі РФ, таму калегі з Расіі ўсяляк дапамагаюць.
"Гэта важна, мы робім агульную справу", - сказаў генпракурор.
У пачатку мінулага года генпракурор Беларусі ўзбудзіў крымінальную справу аб генацыдзе беларускага народа. Мінск накіраваў запыты аб прававой дапамозе па справе ў 17 краін. Шэраг дзяржаў, сярод якіх Польшча, Літва, Латвія, Эстонія, адмовілі Беларусі ў прававой дапамозе па справе. Як адзначылі ў Генпракуратуры, з расійскім бокам супрацоўніцтва ў гэтай галіне ідзе на высокім узроўні.
Раней беларускае ведамства паведамляла, што ў розных краінах свету пражываюць "не менш за 400 нацыстаў, якія маюць дачыненне да злачынстваў на тэрыторыі Беларусі".
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Захад перапісаў гісторыю і замахнуўся на нашу гістарычную памяць – Лукашэнка
Справа аб генацыдзе: Мінюст перадаў пракурорам дакументы аб Калдычэўскім лагеры
Генпракурор Швед: Расія перадала Мінску новыя даныя аб генацыдзе
Справа аб генацыдзе беларусаў: знойдзены сотні невядомых пахаванняў
Генпракуратура РФ просіць прызнаць генацыдам злачынствы нацыстаў у Растоўскай вобласці
Навуковае даследаванне генацыду беларускага народа правядуць у Беларусі
Генпракуратура Беларусі запытала прававую дапамогу па справе аб генацыдзе ў 17 краін
Лукашэнка падпісаў закон аб генацыдзе беларускага народа ў гады ВАВ
