У тэраабарону ў Мінску прызавуць больш за 300 ваеннаабавязаных

© Sputnik / Виктор ТолочкоАдпраўка тэрытарыяльнай абароны да месца службы
Адпраўка тэрытарыяльнай абароны да месца службы - Sputnik Беларусь, 1920, 09.08.2022
Падпісацца на
НовостиTelegram
Былым вайскоўцам трэба ўспомніць навыкі валодання зброяй і тэхнікай, а таксама падрыхтавацца да выканання задач тэраабароны, у тым ліку з органамі ўнутраных спраў.
МІНСК, 9 жні – Sputnik. Другі этап комплекснай праверкі органаў упраўлення тэрытарыяльнай абароны Мінска праводзіцца з 9 жніўня. На зборы плануецца прызваць звыш 300 ваеннаабавязаных, паведаміла прэс-служба Мінабароны Беларусі.
Праверка камісіі Генштаба Узброеных Сіл ацэніць эфектыўнасць работы службовых асоб гарвыканкама і трох райадміністрацый па кіраванні фарміраваннем тэрытарыяльных войск і выкананнем вучэбна-баявых задач.
Акрамя таго, у раёнах, якія будуць правяраць, створаць штабы тэраабароны і воінскія часці тэрытарыяльных войск. Ім трэба будзе вырашаць задачы па ахове аб’ектаў жыццезабеспячэння насельніцтва і сумесна з органамі ўнутраных спраў удзельнічаць у забеспячэнні грамадскага парадку.
Начальнік Генштаба Узброеных Сіл Віктар Гулевіч адзначыў, што ў аўторак мэру беларускай сталіцы пастаўлена задача па фарміраванні тэрытарыяльных войск Савецкага, Першамайскага і Цэнтральнага раёнаў з прызывам больш як 300 ваеннаабавязаных.
"Гэтае мерапрыемства з’яўляецца завяршальным у рамках праверкі ўзроўню падрыхтоўкі тэрытарыяльнай абароны сталіцы, першы этап праверкі праведзены з 17 па 28 студзеня. Падчас фарміравання асабовы склад тэрытарыяльных войск адновіць навыкі ў валоданні зброяй і тэхнікай, успомніць функцыянальныя абавязкі, падрыхтуецца да выканання задач тэрытарыяльнай абароны, у тым ліку сумесна з органамі ўнутраных спраў", - сказаў ён.
Гулевіч падкрэсліў, што фінальным выпрабаваннем праверкі для "партызан" стане камандна-штабное вучэнне. У час яго тэрытарыялы адпрацуюць ахову і абарону аб’ектаў, якія забяспечваюць жыццядзейнасць горада, таксама сярод задач забеспячэнне правапарадку.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Сілы спецаперацый Беларусі адточаць свае навыкі на вучэнні ў Казахстане
Замежныя вайскоўцы прыбываюць у Беларусь на Армейскія міжнародныя гульні - 2022
Ці зменіць Беларусь свой бяз’ядзерны статус, расказалі ў МЗС
Стужка навiн
0