"Выбарачны дэфолт": S&P пакінула крэдытны рэйтынг Беларусі на ўзроўні SD

© Pixabay / stevepbПраца з дакументамі, архіўнае фота
Праца з дакументамі, архіўнае фота - Sputnik Беларусь, 1920, 19.09.2022
Падпісацца на
НовостиTelegram
Агенцтва лічыць, што рэспубліка працягвае адчуваць некаторыя тэхнічныя цяжкасці пры выплаце доўгу, гэта звязана з санкцыйнымі абмежаваннямі.
МІНСК, 19 вер – Sputnik. Рэйтынгавае агенцтва S&P Global Ratings пацвердзіла доўгатэрміновы рэйтынг Беларусі ў замежнай валюце на ўзроўні SD, гаворыцца ў паведамленні агенцтва.
У крэдытнай класіфікацыі S&P тое, што эмітэнт адмовіўся ад выплат па некаторых абавязацельствах, азначае – "выбарачны дэфолт".
Што да кароткатэрміновага рэйтынгу ў замежнай валюце, ён таксама пацверджаны на гэтым жа ўзроўні. Нагадаем, рэйтынг Беларусі быў упершыню паніжаны да ўзроўню SD у жніўні, у агенцтве адзначалі, што краіна сутыкнулася з тэхнічнымі цяжкасцямі пры аплаце доўгу ў замежнай валюце перад некаторымі крэдыторамі.
У той жа час доўгатэрміновы крэдытны рэйтынг Беларусі ў нацыянальнай валюце захаваны на ранейшым узроўні – ССС. Гэта значыць, што краіна адчувае пэўныя цяжкасці з выплатамі па даўгах, а магчымасці эмітэнта залежаць ад росту эканомікі. Кароткатэрміновы рэйтынг у нацвалюце застаўся на ўзроўні C.
Рэзюміруючы вераснёўскі рэйтынг, агенцтва тлумачыць, што краіна працягвае адчуваць некаторыя тэхнічныя цяжкасці пры выплаце доўгу, гэта звязана з санкцыйнымі абмежаваннямі, якія ўступілі ў сілу пасля пачатку спецаперацыі на Украіне.
Таксама ў S&P лічаць, што макраэканамічны і фіскальны націск можа аслабіць здольнасць беларускага ўрада не дапускаць пратэрміноўкі па выкананні абавязацельстваў у нацыянальнай валюце. Агенцтва прагназуе, што рэальны ВУП Беларусі скароціцца да канца года на 6%, у 2023 годзе – яшчэ на 2%.

Па палітычных матывах

Беларускі Мінфін раней заявіў, што міжнародныя агенцтвы зніжаюць крэдытны рэйтынг рэспублікі па палітычных матывах. Нагадаем, з-за санкцый англійскі Citibank адмовіўся быць плацежным агентам Беларусі. Пасля гэтага беларускія ўлады прынялі рашэнне выплачваць пазыку па еўрааблігацыях у беларускіх рублях.
Раней доўгатэрміновы рэйтынг Беларусі ў замежнай валюце да "абмежаванага дэфолту" панізіла агенцтва Fitch Ratings. Яшчэ адна рэйтынгавая фінансавая кампанія заявіла, што Беларусь дапусціла дэфолт па знешніх даўгавых абавязацельствах.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Перавалку беларускіх грузаў праз Мурманск могуць арганізаваць да канца года
Лукашэнка ўхваліў праект дагавора з РФ па падаткаабкладанні ўскоснымі падаткамі
У ЕАБР патлумачылі чаму інфляцыя ў Беларусі запаволілася
Золатавалютныя рэзервы Беларусі знізіліся амаль на $100 мільёнаў
ВУП Беларусі за 8 месяцаў скараціўся амаль на 5%
Стужка навiн
0