Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

Масква і Мінск паскораць інтэграцыю ў адказ на санкцыі – Мішусцін

© Sputnik / Александр Астафьев / Перайсці ў медыябанкСтаршыня ўрада Расіі Міхаіл Мішусцін
Старшыня ўрада Расіі Міхаіл Мішусцін - Sputnik Беларусь, 1920, 04.10.2022
Падпісацца на
НовостиTelegram
Цяпер Беларусь і Расія актыўна рухаюцца наперад у рэалізацыі Саюзных праграм – выканана больш за палову задач, якія паскараюць збліжэнне краін.
МІНСК, 4 вер – Sputnik. Паскарэнне інтэграцыі – лепшы адказ Масквы і Мінска на недружалюбныя крокі Захаду. Аб гэтым заявіў прэм’ер Расіі Міхаіл Мішусцін у сваім відэазвароце на форуме "Рубяжы Саюзнай дзяржавы".
Ён падкрэсліў, што Расія і Беларусь самастойна вызначаюць свае прыярытэты і ў далейшым будуць прытрымлівацца "маральных арыенціраў нашых народаў". Мінск і Масква на фоне санкцый прадоўжаць умацоўваць суверэнітэт дзвюх краін і вызначацца з варыянтамі па далейшым "паглыбленні інтэграцыйнага будаўніцтва".
Аднак не ўсе краіны прымаюць такі курс двух народаў.

"Многія з іх імкнуцца закансерваваць аднапалярную сістэму сусветнага ладу. У ход ідуць такія метады, як фінансавы націск, правакаванне канфліктаў і нарошчванне ваеннага патэнцыялу на расійскіх і беларускіх межах", - заявіў Міхаіл Мішусцін, дадаўшы, што мэта ўсяго – "затармазіць" развіццё двух дзяржаў.

Больш перспектыў

Кіраўнік расійскага ўрада адзначыў, што за 7 месяцаў гэтага года тавараабарот паміж Беларуссю і Расіяй павялічыўся на 5% і перавысіў 22 млрд долараў. Да канца года разлічваюць пабіць гістарычны рэкорд мінулага года і перавысіць 38,5 млрд долараў.
Працягваецца праца і над саюзнымі праграмамі: Мішусцін адзначыў, што з 28 праграм, якія былі прыняты ў лістападзе мінулага года, больш за палову ўжо выканана.
"Атмасфера даверу і супрацоўніцтва дае магчымасць нам разам вырашаць задачы тэхналагічнай незалежнасці ад замежных паставак крытычна важнай прадукцыі", - запэўніў Міхаіл Мішусцін, дадаўшы, што Мінск і Масква прадоўжаць і далей рабіць усё, каб гарантаваць харчовую і энергетычную бяспеку Саюзнай дзяржавы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Галоўчанка: Беларусь і Расія вырашылі пытанне з падатковым манеўрам
Татальная эканамічная вайна: прэм’еры Беларусі і РФ аб адказе на санкцыі
Мінэканомразвіцця РФ прызначыла першага замежнага прадстаўніка ў Беларусь
Палова працы па саюзных праграмах зроблена – Мезенцаў
Знешнегандлёвы абарот Беларусі і Расіі перавысіў 22 млрд долараў
Стужка навiн
0