Выпускнікам у Беларусі будуць выдаваць атэстаты і дыпломы новага ўзору

© Sputnik / Мария АмелинаАтэстат аб агульнай і сярэдняй адукацыі Рэспублікі Беларусь
Атэстат аб агульнай і сярэдняй адукацыі Рэспублікі Беларусь - Sputnik Беларусь, 1920, 10.11.2022
Падпісацца
Іншаземцы больш не змогуць атрымаць дакументы аб вышэйшай адукацыі на іспанскай і французскай мовах, у доступе засталася толькі англійская.
МІНСК, 10 ліс – Sputnik. Міністэрства адукацыі Беларусі зацвердзіла новыя ўзоры атэстатаў і дыпломаў пасля заканчэння школ і ВНУ, афіцыйны дакумент аб гэтым рашэнні размешчаны на Нацыянальным прававым інтэрнэт-партале.
Галоўнае новаўвядзенне ў атэстатах – з’яўленне графы "Паводзіны", куды будуць запісваць той ці іншы паказчык, які характарызуе паводзіны навучэнца – ўзорныя, здавальняючыя або нездавальняючыя.
У пасведчаннях аб агульнай базавай адукацыі (9 класаў) прадмет "Чарчэнне" будзе заменены на "Мастацтва (айчынная і сусветная мастацкая культура)". Што тычыцца атэстата аб агульнай адукацыі (11 класаў), туды дададуць прадмет "Працоўнае навучанне" - за яго таксама будзе выстаўляцца ацэнка.
Дыпломы ў ВНУ будуць заменены на дыпломы бакалаўра. Пры гэтым замежныя грамадзяне, якія заканчваюць беларускія ўніверсітэты, больш не змогуць атрымаць дакументы аб вышэйшай адукацыі на іспанскай і французскай мовах – у доступе засталася толькі англійская.

Ужо не актуальна

Старыя ўзоры дакументаў аб навучанні і адукацыі, якія выдаюцца ў Беларусі, страчваюць сілу з 2023 года. Аднак установы адукацыі змогуць выкарыстоўваць дакументы старога ўзору да вызначанага моманту.
Напрыклад, даведкі аб праходжанні той ці іншай адукацыйнай праграмы навучальных курсаў, пасведчанні аб прысваенні кваліфікацыйнага разраду (класа, катэгорыі) па прафесіі можна выдаваць да 1 студзеня 2023 года.
Старыя ўзоры дыпломаў могуць выдаваць да 1 студзеня 2029 года, але толькі тым студэнтам, якія былі залічаны да 1 верасня 2022 года.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Норму пра навучанне на мовах нацменшасцей у Беларусі могуць адмяніць
Школьны дзяржстандарт – для дысцыпліны і парадку: што ў новым дакуменце?
Галоўчанка назваў школьнае харчаванне нясмачным і аднастайным
Як вучням будзе аказвацца псіхалагічная дапамога, вызначыла Мінадукацыі
Стала вядома, колькі беларусаў паступіла ў ВНУ РФ у 2022-м
Стужка навiн
0