Сапраўды дыверсія: у Швецыі назвалі прычыны надзвычайнага здарэння на "Паўночных патоках"

© KustbevakningenМесца ўцечкі на газаправодзе "Паўночны паток"
Месца ўцечкі на газаправодзе Паўночны паток - Sputnik Беларусь, 1920, 18.11.2022
Падпісацца на
НовостиTelegram
Расследаванне аварыі на двух экспартных газаправодах ідзе ўжо амаль два месяцы, прамежныя вынікі паказалі наяўнасць астаткаў выбуховых рэчываў.
МІНСК, 18 ліс – Sputnik. Служба бяспекі Швецыі пацвердзіла, што прычынай надзвычайнага здарэння на газаправодах "Паўночны паток" і "Паўночны паток - 2" стала дыверсія.
"Гэтае расследаванне паказвае, што трубаправоды падвергліся грубай дыверсіі", - падкрэсліваецца ў прэс-рэлізе ведамства.
Спецыялісты працягваюць працу і дакументуюць прамежныя вынікі. Паведамляецца, што з месца выбухаў у Балтыйскім моры канфіскаваны некаторыя "пабочныя прадметы", на якіх выяўлены рэшткі выбуховых рэчываў.
Нагадаем, што раней некаторыя еўрапейскія краіны не выключылі мэтанакіраваную дыверсію. Інцыдэнт на газаправодах расследуе служба дзяржбяспекі Швецыі, а таксама паліцыя Даніі пры садзейнічанні нарвежскай арміі і паліцэйскай службай бяспекі. Расследаванне ідзе пры ўдзеле расійскага боку, усю актуальную інфармацыю аб магчымых прычынах надзвычайнага здарэння атрымлівае кампанія "Газпром".

Рэакцыя Масквы

У Крамлі ўжо адрэагавалі на даныя Швецыі, атрыманыя ў выніку расследавання. Прэс-сакратар расійскага лідара Дзмітрый Пяскоў заявіў, што ў Маскве вітаюць пацвярджэнне Швецыяй звестак на карысць версіі тэракта на "Паўночных патоках".
"Важна знайсці таго, хто стаіць за гэтым", - канстатаваў ён.

Тэракт на "Паўночных патоках"

Нагадаем, выбухі на "Паўночных патоках" адбыліся 26 верасня на трох нітках расійскіх марскіх газаправодаў. Шведскія сейсмолагі зарэгістравалі ў той жа дзень два выбухі на маршрутах залягання трубаправодаў.
Генпракуратура РФ ініцыявала справу аб акце міжнароднага тэрарызму пасля пашкоджанняў газаправодаў "Паўночны паток 1" і " Паўночны паток 2". У Мінабароны Расіі лічаць, што за выбухамі на газаправодах стаяць брытанскія спецыялісты, якія знаходзяцца ва ўкраінскім горадзе Ачакаў. Менавіта яны, на думку кіраўніцтва расійскага вайсковага ведамства, дапамагалі ўкраінскім вайскоўцам атакаваць караблі Чарнаморскага флоту ў акваторыі Севастопаля 29 кастрычніка.
Што да магчымага рамонту газаправодаў, то прэс-сакратар прэзідэнта РФ Дзмітрый Пяскоў раней заяўляў, што расійскі бок яшчэ не прыняў рашэнне аб іх далейшай будучыні.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Расія пакуль што не прыняла рашэнне аб будучыні "Паўночных патокаў" – Пяскоў
Пуцін: "Газпром" дапусцілі да абследавання месца падрыву "Паўночных патокаў"
Пуцін: пасля дыверсіі на "Паўночным патоку" знішчаецца энергасетка Еўропы
Пуцін аб дыверсіі на "Паўночных патоках": англасаксы арганізавалі выбухі
Інцыдэнты з "Паўночным патокам" патрабуюць неадкладнага разбору – Пяскоў
Стужка навiн
0