Камісію па вяртанні грамадзян, якія з’ехалі за мяжу, створаць у Беларусі

© Sputnik / Владимир Федоренко / Перайсці ў медыябанкПартфель чыноўніка
Партфель чыноўніка - Sputnik Беларусь, 1920, 24.01.2023
Падпісацца на
НовостиTelegram
Камісію ўзначаліць генеральны пракурор, таксама туды ўвойдуць прадстаўнікі грамадскасці, дэпутаты і чыноўнікі.
МІНСК, 24 сту – Sputnik. У Беларусі створаць міжведамасную камісію, якая будзе вырашаць пытанні вяртання на радзіму грамадзян краіны, якія раней з’ехалі, паведаміў журналістам генпракурор Андрэй Швед.

"У склад гэтай камісіі будуць уключаны прадстаўнікі грамадскасці, дэпутацкага корпуса, службовыя асобы дзяржаўных органаў", - цытуе генеральнага пракурора агенцтва БелТА.

Паводле яго слоў, тыя, хто зараз жыве ў іншых краінах і хоча вярнуцца ў Беларусь, але "нечага баіцца", зможа звярнуцца ў гэтую камісію.
Акрамя таго, грамадзяне Беларусі ў гэтай камісіі змогуць даведацца, ці ёсць да іх нейкія прэтэнзіі ў дзяржаўных органаў.
Інфармацыя аб камісіі будзе апублікавана ў СМІ.

Вярнуцца і пакаяцца

Раней ідэю вяртання грамадзян, якія з’ехалі, неаднаразова агучваў прэзідэнт Беларусі Аляксандр Лукашэнка.
Так, 14 студзеня 2023 года ён заявіў, што, на яго думку, большая частка праціўнікаў улады змяніла сваё меркаванне.
У 2022 годзе прэзідэнт таксама прапаноўваў варыянт развіцця падзей для апазіцыянераў, якія з’ехалі з краіны.
"Мая вам парада – дадому, кайцеся і станавіцеся на калені. Заплаціце штрафныя санкцыі за нанесеную шкоду хаця б часткова", - заявіў тады Лукашэнка.
Прэзідэнт прапаноўваў у камісію, якая вырашыць, каму можна вярнуцца ў Беларусь, уключыць генеральнага пракурора і журналіста Рыгора Азаронка.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка заклапаціўся памілаваннем тых, хто спатыкнуўся ў 2020-м
КДБ абнавіў "тэрарыстычны спісак" яшчэ пяццю прозвішчамі
Спартсменцы Герасімене ў Беларусі завочна вынесены прыгавор
У 2020 годзе супрацоўнікі ПВТ праявілі сябе не з лепшага боку – Лукашэнка
Амаль 200 гадоў на 12 чалавек: суд абвясціў прыгавор па справе аб тэрарызме
Стужка навiн
0