Эксперт SputnikPro распавёў, як зараджалася і развівалася інфаграфіка

© Sputnik / Дмитрий МарковЯўген Тарасенка праводзіць майстар-клас SputnikPro: што такое эфектыўная інфаграфіка і як яе стварыць
Яўген Тарасенка праводзіць майстар-клас SputnikPro: што такое эфектыўная інфаграфіка і як яе стварыць - Sputnik Беларусь, 1920, 25.01.2023
Падпісацца на
НовостиTelegram
Інфаграфіка на самай справе існавала даўно, проста насіла іншую назву, а цяпер гэта неад’емная частка сучаснага свету.
МІНСК, 25 сту – Sputnik. Наскальны жывапіс таксама ў нейкай ступені лічыцца інфаграфікай, заявіў падчас майстар-класа "Эфектыўная інфаграфіка: Сэнс + Дызайн + Кантэкст" у мультымедыйным прэс-цэнтры Sputnik вядучы дызайнер медыягрупы "Россия сегодня" Яўген Тарасенка.
"Інфаграфіка на самай справе існавала даўно, проста яна так не называлася, але сутнасць у тым, што нават наскальныя малюнкі ў нейкай ступені таксама былі інфаграфікай. Гэта значыць людзі спрабавалі нейкім спосабам зафіксаваць інфармацыю, якую яны бачылі вакол", - расказаў эксперт.
© Sputnik / Дмитрий МарковЯўген Тарасенка праводзіць майстар-клас SputnikPro: што такое эфектыўная інфаграфіка і як яе стварыць
Евгений Тарасенко проводит мастер-класс SputnikPro: что такое эффективная инфографика и как ее создать - Sputnik Беларусь, 1920, 25.01.2023
Яўген Тарасенка праводзіць майстар-клас SputnikPro: што такое эфектыўная інфаграфіка і як яе стварыць
Гаворка ідзе пра піктаграмы і іерогліфы. Яны, на думку Тарасенкі, з’яўляюцца добрым прыкладам інфаграфікі, бо з іх дапамогай людзі "літаральна спрабавалі расказаць нейкую гісторыю, выкарыстоўваючы візуальныя вобразы".
Схемы, паводле яго слоў, таксама можна лічыць адной з форм інфаграфікі.
"З развіццём розных марскіх перасоўванняў і пашырэння прасторы, запатрабаваліся карты. Гэта таксама тып візуалізацыі, які здаецца нам ужо звыклым, а на той момант гэта было нешта незвычайнае", - распавёў вядучы дызайнер.
Тарасенка адзначыў, што інфаграфіка цесна звязана і з развіццём тэхналогій.
"У 17 стагоддзі Лёвенгук дапрацаваў мікраскоп пад сябе і ў нейкі момант, гледзячы ў мікраскоп, ён убачыў мікраарганізмы, якія раней ніхто не бачыў, і замаляваў іх. І гэта таксама была візуалізацыя", - распавёў прадстаўнік медыягрупы "Россия сегодня".
Затым, паводле яго слоў, пераломным для многіх момантам стала з’яўленне камерцыйнага і палітычнага атласа, які распрацаваў Уільям Плейфэр. Ён прыдумаў тыя базавыя графікі, якія многія да гэтага часу выкарыстоўваюць у прэзентацыях і інфаграфіцы.
"Інфаграфіка можа дапамагаць людзям арыентавацца ў прасторы. Прыклад таму – дарожныя знакі і нанесеная на дарогах разметка. Гэта таксама візуалізацыя і інфаграфіка, якая выдатна дапамагае ў дарозе", - падкрэсліў эксперт.
Потым інфаграфіка паступова пачала з’яўляцца і на старонках друкаваных выданняў.
"Акрамя таго, што развіваўся і распаўсюджваўся інтэрнэт, распаўсюджвалася і выкарыстанне мабільных тэлефонаў, у сувязі з гэтым з’явіўся запыт рабіць больш кантэнту. І яго трэба "заварочваць" у маленькія фарматы, каб ён змяшчаўся ў экран тэлефона", - распавёў вядучы дызайнер.

Што такое SputnikPro

SputnikPro – міжнародны асветніцкі праект у галіне медыя, ініцыяваны агенцтвам Sputnik. Гэта сістэма ўнікальных семінараў, лекцый і майстар-класаў лепшых расійскіх і замежных медыяменеджэраў, экспертаў і вядучых спецыялістаў агенцтва для журналістаў, прэс-сакратароў, блогераў і студэнтаў старэйшых курсаў профільных аддзяленняў ВНУ.
Навучальныя модулі SputnikPro у вочным фармаце прайшлі ўжо ў 24 краінах: ад Арменіі да Індыі, ад Грэцыі да Кітая. Усяго з сакавіка 2018 года ў праекце прынялі ўдзел больш за 6 000 чалавек з 80 краін.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Як зрабіць інфаграфіку больш эфектыўнай, расказаў эксперт SputnikPro
Заляцець у трэнды: якія відэа цікавяць карыстальнікаў?
SputnikPro: як атрымаць даход ад кантэнту – стратэгія манетызацыі
Стужка навiн
0