МІНСК, 12 ліс - Sputnik. Студэнцкі экалагічны кангрэс упершыню пройдзе ў Беларускім дзяржаўным універсітэце (БДУ) у панядзелак, 12 лістапада, паведамілі Sputnik у прэс-службе ВНУ.
Экалагічны кангрэс праводзіцца з мэтай вырашэння экалагічных праблем і фарміравання эколага-маральнай культуры і мыслення ў моладзі.
Мяркуецца, што кангрэс стане міжнародным: у ім прымуць удзел каля 150 студэнтаў не толькі з беларускіх ВНУ, але і з Расіі, Эквадора, Казахстана і Шры-Ланкі.
У рамках кангрэса пройдзе і навуковая канферэнцыя, на якой абмяркуюць 27 дакладаў маладых даследчыкаў.
Акрамя таго, на кангрэсе выберуць лепшыя праекты, накіраваныя на падтрымку экалогіі. Так, студэнты БДУ пакажуць бяспечныя варыянты паскоранай утылізацыі цвёрдых бытавых адходаў і новую тэхналогію для ліквідацыі смеццевых звалак. Адзін з праектаў прысвечаны і захаванню ўнікальнага аб'екта - Альманскіх балот.
Чытайце таксама:
- У Белавежскай пушчы ў рацэ гіне рыба
- ЕС: высечка лесу ў Белавежскай пушчы можа нашкодзіць экасістэме рэгіёну
- Эколагі прапануюць зрабіць Палессе аб’ектам сусветнай спадчыны ЮНЕСКА