МІНСК, 12 ліс – Sputnik. Дзяцей бежанцаў з лагера каля беларуска-польскай мяжы размесцяць у спартыўна-аздараўленчым цэнтры "Світанак", паведаміў намеснік старшыні Гродзенскага аблвыканкама Віктар Пранюк.
Цэнтр знаходзіцца недалёка ад аграгарадка Парэчча Гродзенскага раёна. На гэты момант вядзецца падрыхтоўка аб'екта да размяшчэння дзяцей мігрантаў.
"Аб'ект зараз свабодны. Тут у цяпле могуць размясціцца да 200 чалавек. Пры неабходнасці будзе забяспечана і медыцынская дапамога", - прыводзіць словы Пранюка БелТА.
У чацвер прэзідэнт Беларусі Аляксандр Лукашэнка запатрабаваў размясціць дзяцей мігрантаў у санаторыях, "недзе, можа, і з маці".
Каментуючы даручэнне кіраўніка дзяржавы, міністр адукацыі Ігар Карпенка заявіў, што ў цэнтры, куды заселяць дзяцей, падбяруць педагогаў і выхавацеляў. Бежанцам прапануюць, каб іх дзеці "па крайняй меры знаходзіліся не на мяжы, у гэтых палявых умовах, а ў больш прымальных умовах", сказаў міністр. Ён дадаў, што такую ж магчымасць дадуць маці і цяжарным жанчынам.
У пятніцу з'явіліся кадры, на якіх дзеці, якія знаходзяцца ў лагеры на мяжы, стаяць з таблічкамі ў руках. "Дзе правы чалавека? Мы хочам у школу", - напісана на іх. Акрамя таго, многім бацькі зрабілі такія ж надпісы на твары і намалявалі слёзы.
Таксама на Sputnik:
Дзяцей мігрантаў размесцяць у адным з дзіцячых лагераў у Беларусі
"Мы не жывёлы, мы людзі": гісторыі і просьбы мігрантаў на мяжы Польшчы
Уборачная, санкцыі і мігранты: Лукашэнка правёў нараду з урадам
Паміж дапамогай і надзеяй: падзеі чацвёртага дня на беларуска-польскай мяжы
Малако, рэчы і памперсы: як беларусы дапамагаюць мігрантам
Сітуацыя на мяжы застаецца напружанай, бежанцы прыбываюць – ДПК
Сітуацыя пагаршаецца: чарговы дзень з жыцця лагера мігрантаў на мяжы ў фатаграфіях