МІНСК, 6 сне – Sputnik. Беларусь чакае ад Еўрапейскага саюза канкрэтных крокаў па вырашэнні сітуацыі з бежанцамі, якія спадзяюцца на гуманітарны калідор на беларуска-польскай мяжы, заявіў кіраўнік МЗС Беларусі Уладзімір Макей.
Паводле яго слоў, такая ўплывовая арганізацыя як АБСЕ ўвогуле не ўцягнута ў гэты працэс.
"АБСЕ непасрэдна не ўцягнута ў гэты крызіс. Мы (Беларусь - Sputnik) працуем з такімі міжнароднымі арганізацыямі, як МАМ і УВКБ ААН, некаторымі іншымі арганізацыямі", - заявіў Макей у эфіры тэлеканала "Беларусь 1". Паводле яго слоў, няма канкрэтных крокаў ад ЕС па вырашэнні гэтага крызісу.
Ён растлумачыў, што беларускі бок спрабаваў данесці інфармацыю аб сітуацыі на мяжы, заклікаць калегаў з ЕС працаваць разам, каб дзве тысячы мігрантаў, якія спрабуюць патрапіць у Еўрасаюз, або вярнуліся назад, або ўз'ядналіся з сем'ямі.
"Нічога акрамя пэўных тэлефонных размоў мы не маем", - сказаў Макей.
Пры гэтым ён зазначыў, што ў Мінску чакаюць ад еўрапейскіх партнёраў крокаў па вырашэнні крызісу.
"Я не стаў запытваць сустрэчу са спадаром Барэлем, разумеючы, што гэта дарэмна", - сказаў Макей. Але пры гэтым ён адзначыў, што пазіцыя Мінска да яго данесена.
"Мы са свайго боку робім усё магчымае, каб вырашыць гэту сітуацыю", - рэзюміраваў кіраўнік МЗС.
Чытайце таксама:
Чарговая група мігрантаў адправілася з Беларусі ў Ірак
Літва працягвае рэжым НС на мяжы з Беларуссю да 15 студзеня
"Забярыце іх сабе": Лукашэнка заклікаў ЕС адкрыць "гуманітарны калідор"
Міністры абароны Польшчы і ЗША абмеркавалі сітуацыю на беларускай мяжы
Лукашэнка назваў сапраўдную прычыну міграцыйнага крызісу
Пуцін абмеркаваў "беларускіх" мігрантаў з кіраўніком Еўрасавета
Трэба спыніць штучны рух мігрантаў - Барэль