МІНСК, 25 сне – Sputnik. Расійскі пісьменнік і грамадскі дзеяч Альберт Анатольевіч Ліханаў памёр у суботу на 87-м годзе жыцця, паведамілі ў Грамадскай палаце РФ.
"Альберт Анатольевіч быў выдатным пісьменнікам і грамадскім дзеячам, узначальваў Расійскі дзіцячы фонд, Фонд абароны дзяцей. Яго творы чыталі і любілі ў многіх краінах. Яго кнігі прывівалі жаданне рабіць добрыя ўчынкі многім пакаленням дзяцей", – гаворыцца ў паведамленні Грамадскай палаты РФ.
Падрабязнасці смерці літаратара пакуль не паведамляюцца.
Будучы літаратар нарадзіўся ў Кіраве ў сям'і слесара і медыцынскай лабаранткі. Першую вядомасць яму прынесла апавяданне "Шагрэневая скура" ў пачатку 60-х гадоў, яго аповесці адна за адной друкаваліся ў часопісе "Юность".
Творы Альберта Ліханава апублікаваны ў Расіі 30-мільённым тыражом. Сярод іх драматычны цыкл аб ваенным дзяцінстве – аповесці "Апошнія халады", "Крама ненаглядных дапаможнікаў" і "Дзіцячая бібліятэка", раман "Мужчынская школа".
Раскрыццё літаратурнага таленту пісьменніка даводзіцца на перыяд з 1967 па 1976 гады. У гэты час выйшлі ў свет раман "Лабірынт", аповесці "Чыстыя каменьчыкі", "Падман", "Сонечнае зацьменне". Галоўнай тэмай літаратурных твораў Ліханава стаў свет падрастаючага пакалення, маральнае і этычнае выхаванне моладзі. Творы Ліханава ўключаны ў спісак 100 лепшых кніг усіх часоў.
Акрамя таго, Альберт Ліханаў вядомы сваёй грамадскай дзейнасцю – ён быў сустаршынёй Саюза пісьменнікаў Расіі, старшынёй агульнарасійскага грамадскага дабрачыннага фонду "Расійскі дзіцячы фонд", а таксама старшынёй агульнарасійскага "Фонду абароны дзяцей" пры прэзідэнце РФ.
Чытайце таксама:
Памёр беларускі паэт Мікола Мятліцкі
У Мінску развіталіся з Героем Савецкага Саюза Васілём Мічурыным
Памёр народны артыст СССР рэжысёр Уладзімір Навумаў
Памёр народны артыст РФ Валерый Гаркалін
Памёр супрацоўнік савецкага і расійскага інавяшчання Лейзар Сіган