МІНСК, 26 сне – Sputnik. Расійскі лідар Уладзімір Пуцін пажартаваў, што ў навагоднюю ноч ён будзе слухаць віншаванне прэзідэнта. Пра гэта ён паведаміў у інтэрв'ю Паўлу Зарубіну ў тэлеперадачы "Москва. Кремль. Путин" на канале "Россия 1".
"Ну, што? Сядзець разам з блізкімі, сустракаць Новы год, слухаць прэзідэнта… віншаванне прэзідэнта", – адзначыў Пуцін.
Ён таксама расказаў, як напярэдадні зімовых свят выбірае падарункі блізкім. Па словах прэзідэнта, прэзенты сваім унукам ён выбірае сам.
"Ну, часткова, так. Але, я, на жаль, не хаджу па крамах. Але ёсць зараз магчымасць іншымі спосабамі нешта выбраць, і я стараюся гэта рабіць сам. Спадзяюся, што ім спадабаецца", – паведаміў Пуцін.
Адвакат Дзеда Мароза
Падчас вялікай штогадовай прэс-канферэнцыі прэзідэнта РФ у чацвер адзін з журналістаў распавёў расійскаму лідару аб юрысце з Санкт-Пецярбурга, які падаў у суд на Дзеда Мароза з Вялікага Усцюга, паколькі той ужо 23 гады не выконвае яго жаданні. Пасля гэтага прадстаўнік СМІ спытаў у прэзідэнта, як складваюцца яго адносіны з Дзедам Марозам.
"Я таксама юрыст з Санкт-Пецярбурга, ёсць некаторыя супадзенні ў нас... Магу выступіць адвакатам Дзеда Мароза і нагадаць істцу, што Дзед Мароз выконвае жаданні і дорыць падарункі толькі добрым дзяўчынкам і хлопчыкам. Няхай ён прааналізуе свае паводзіны і знойдзе тое, што перашкаджае Дзеду Марозу яго абдорваць да навагодніх свят. Гэта будзе асноўная лінія абароны", - сказаў прэзідэнт.
Ён таксама адзначыў, што яго адносіны з Дзедам Марозам "да гэтага часу будаваліся добраўпарадкаваным чынам".
"Спадзяюся, што Дзед Мароз будзе суправаджаць кожнага з нас не толькі падарункамі, але і – самае галоўнае – ажыццяўленнем нашых планаў. І ўсёй краіны, і кожнага паасобку грамадзяніна Расійскай Федэрацыі", - падкрэсліў прэзідэнт.
Чытайце таксама:
Святочны калейдаскоп: куды пайсці на Новы год з дзецьмі
У апошні вагон: ці можна зараз знайсці месца для святкавання Новага года?
БЧ прызначыла 16 дадатковых цягнікоў на навагоднія святы