МІНСК, 31 сне – Sputnik. Беларускі прэзідэнт Аляксандр Лукашэнка накіраваў віншаванне з Новым годам свайму расійскаму калегу Уладзіміру Пуціну, паведамілі ў прэс-службе кіраўніка дзяржавы.
"Віншаванні ад імя кіраўніка беларускай дзяржавы накіраваны кіраўніцтву Расійскай Федэрацыі, лідарам краін СНД, кіраўнікам іншых краін у розных рэгіёнах свету, кіраўнікам міжнародных арганізацый", - гаворыцца ў паведамленні.
Напярэдадні беларускі лідар знаходзіўся з двухдзённым візітам у Санкт-Пецярбургу, дзе браў удзел у нефармальным саміце кіраўнікоў дзяржаў СНД. Другі дзень Лукашэнка прысвяціў перамовам са сваім расійскім калегам.
Пасля трохгадзіннай размовы за зачыненымі дзвярыма лідары дзвюх краін адправіліся гуляць у хакей. Першым шайбу закінуў Пуцін, але і Лукашэнка таксама здолеў вызначыцца. На лядовую пляцоўку выйшаў таксама малодшы сын прэзідэнта Мікалай, які здолеў закінуць чатыры шайбы.
Дарэчы, у сваім навагоднім віншаванні беларускаму калегу Пуцін зрабіў акцэнт на тых выніках, якіх удалося дабіцца ў адыходзячым годзе, на ніве саюзнай інтэграцыі, а таксама ў развіцці гандлёва-эканамічных адносін.
Чытайце таксама:
Лукашэнка напярэдадні Новага года правёў хакейную трэніроўку
Пуцін назваў моцнае здароўе галоўным пажаданнем на 2022 год
Эйсмант расказала, пра што будзе гаварыць Лукашэнка ў навагоднюю ноч
Пуцін расказаў, як будзе сустракаць Новы год
Лукашэнка пажадаў моладзі не перабіраць цераз край