МІНСК, 15 сту – Sputnik. За мінулыя суткі ў Беларусі выяўлены 1 293 выпадкі каранавіруснай інфекцыі, паведаміла ў суботу прэс-служба Міністэрства аховы здароўя.
З пачатку пандэміі ў краіне зарэгістравана 714 295 хворых на COVID-19, за гэты час акрыялі 707 169 пацыентаў (1 333 чалавекі выпісаліся з бальніц за мінулыя суткі).
Па дадзеных Міністэрства аховы здароўя, ад каронавіруса ў Беларусі памерлі 5 808 чалавек, за мінулыя суткі – 16 пацыентаў.
За час пандэміі ў рэспубліцы правялі звыш 11,317 млн ПЦР-тэстаў, за суткі выканалі больш за 22 тысячы даследаванняў на каронавірус.
Новая хваля хутка
Паводле прагнозаў беларускага інфекцыяніста, загадчыка кафедры інфекцыйных хвароб і дзіцячых інфекцый БелМАПА Юрыя Горбіча, рост захворвання на каронавірус у Беларусі можа пачацца з канца студзеня-пачатку лютага.
Цяпер жа сітуацыя з COVID-19 хоць і адчувальная, але не цяжкая. Тым не менш, на выпадак росту хворых бальницы знаходзяцца ў пастаяннай гатоўнасці. Акрамя таго, супрацоўнікаў дарослых стацыянараў на ўсялякі выпадак рыхтуюць да працы з дзіцячым насельніцтвам - бо новы штам "амікрон" значна "памаладзеў".
У Мінску таксама рыхтуюцца да росту колькасці захварэлых дзяцей і падлеткаў, прычына – варыянт "амікрон", які, мяркуючы па ўсім, актыўна распаўсюджваецца па рэспубліцы.
Вакцынаваць падлеткаў (ад 12 да 17 гадоў) ад каронавіруса ў Беларусі пачалі 27 снежня. Па дадзеных Міністэрства аховы здароўя на 14 студзеня, у Беларусі адну дозу вакцыны ад каронавіруса атрымалі больш за 9,2 тысячы падлеткаў.
Поўны курс вакцынацыі супраць каронавіруса прайшлі ўжо больш за 4 мільёны беларусаў.
Чытайце таксама:
Спіс шырокі: у мінскім "Дынама" ўспышка COVID-19
Новы антырэкорд: СААЗ абнавіла лічбы па COVID у свеце
Выяўлены гібрыд штамаў "дэльта" і "амікрон", яго назвалі "дэльтакрон"
Вакцынацыя дзяцей ад CОVID-19 унесена ў спіс прафілактычных прышчэпак
Лукашэнка заявіў, што ніводзін прагноз па каронавірусе не спраўдзіўся