МІНСК, 15 сту – Sputnik. У Беларускім дзяржаўным тэатры лялек у Мінску сёння здарыўся пажар, паведамляе прэс-служба МНС.
Як расказалі ратавальнікі, узгаранне адбылося ў падвале. На шчасце, пацярпеўшых няма.
"У Мінску ратавальнікі выязджалі па паведамленні аб узгаранні ў Беларускім дзяржаўным тэатры лялек. Ліквідавана гарэнне маёмасці ў падвале на плошчы 1 кв.м. Пацярпеўшых няма", - гаворыцца ў паведамленні.
15 студзеня ў афішы тэатра значыліся два паказы для дзяцей (3+): спектакль "Чырвоная шапачка" у 11.00 і 14.00.
Беларускі дзяржаўны тэатр лялек – найстарэйшы тэатр лялек краіны. Ён быў створаны ў 1938 годзе.
За апошнія суткі ў ратавальнікаў было нямала працы: па рэспубліцы прайшоўся "амаль ураган", парывы ветру дасягалі да 32 м/с. З-за непагадзі ў Беларусі з пятніцы на суботу пацярпелі 458 населеных пунктаў.
Не абышлося без сур'ёзных разбурэнняў: лятаючы дах, прыпыначныя пункты і рэкламныя шчыты. Ёсць пацярпеўшыя.
Чытайце таксама:
Наступствы непагадзі: паваленыя ёлкі, разбураныя дамы і пацярпеўшыя
Ураганны вецер у Мінску: паламаныя дрэвы і разбітыя вітрыны – фотафакт
Амаль 1000 дрэў упалі ў Мінску з-за моцнага ветру ў пятніцу