Надвор’е на тыдзень: ці чакаць у Беларусі вадохрышчанскіх маразоў?

МІНСК, 16 сту – Sputnik. Наймацнейшыя маразы па традыцыі – вадохрышчанскія. Па папярэднім прагнозе, чакаць суровых студзеньскіх халадоў на гэтым тыдні не давядзецца. Прагноз на тыдзень у эфіры АНТ зрабіў сіноптык Дзмітрый Рабаў.

Паводле яго слоў, будзе пераважаць воблачнае з невялікімі праясненнямі надвор’е.

Пачатак тыдня чакаецца снежным: паўсюдна выпадуць ападкі, месцамі – мокры снег. Вецер заходні, парывісты, часам вельмі моцны. Уначы слупок тэрмометра апусціцца да –3°C ад усходу да 0°C да захаду і –5°C па паўночным усходзе.

У панядзелак, 17 студзеня, днём будзе –1...+1°C, а ў аўторак – ад 0°C па захадзе да –5°C па паўночным усходзе.

На Вадохрышча, 19 студзеня, чакаецца невялікі снег, на дарогах магчыма галалёдзіца, вецер умераны. Уначы будзе невялікі мароз – ад –3 да –9°C, а днём крыху пацяплее – ад –4 да +1°C.

А вось у другой палове тыдня зноў чакаюцца моцныя парывістыя вятры, кароткачасовыя ападкі рознай інтэнсіўнасці. Уначы тэмпература паветра складзе ад –4 да +2 градусаў, днём у чацвер будзе 0...+2°C, пятніцу - –1...0°C.

У нядзелю, 23 студзеня, зноў чакаецца моцны парывісты вецер. Уначы будзе ад –2°C па захадзе да –9°C па паўночным усходзе, пры праясненнях да –12°C. Днём у суботу тэрмометры пакажуць каля –2...+1°C, а ў нядзелю - –3...0°C.

Дзмітрый Рабаў расказаў, што самы моцны мароз у Мінску ў гэты перыяд сіноптыкі адзначылі 17 студзеня 1940 года, калі на слупках тэрмометра было –30,1°C. У той жа дзень быў пабіты тэмпературны рэкорд па ўсёй Беларусі – у Талачыне было –42,2°C.

Халадней за ўсё на Вадохрышча было ў 1968 годзе, калі адзнака на тэрмометры апусцілася да –25,8 °C.