ЕС працягнуў дзеянне персанальных санкцый супраць Беларусі

МІНСК, 25 лют – Sputnik. Еўрасаюз яшчэ на год прадоўжыў персанальныя санкцыі ў дачыненні да Беларусі, пад якія трапілі чыноўнікі і сілавікі, гаворыцца ў распаўсюджаным у пятніцу афіцыйным дакуменце Еўрасаюза.

Санкцыі будуць дзейнічаць да 28 лютага 2023 года.

Беларускія чыноўнікі, прадпрыемствы і арганізацыі папалі пад cанкцыі пасля 9 жніўня 2020 года.

З таго часу санкцыйны спісак ЕС у адносінах да беларускіх чыноўнікаў і кампаній папаўняўся некалькі разоў, у тым ліку пасля экстранай пасадкі самалёта Ryanair і міграцыйнага крызісу на мяжы.

Пад еўрапейскімі санкцыямі цяпер знаходзіцца шэраг беларускіх прадпрыемстваў, у прыватнасці, "Гродна Азот" і "Беларусьнафта", кампаніі "Белавія" і сірыйская Cham Wings, заводы "Белшына", "Беларуснафта".

У канцы мінулага года афіцыйны Мінск заявіў, што таксама ўводзіць санкцыі ў адказ у дачыненні ЕС - цяпер на шэраг тавараў з краін, якія падтрымалі абмежаванні, на працягу паўгода дзейнічае эмбарга.

Напярэдадні стала вядома, што міністэрства фінансаў ЗША ўвяло санкцыі супраць 24 фізічных і юрыдычных асоб Беларусі "за падтрымку расійскай ваеннай аперацыі".

Рэстрыкцыі накіраваны на абаронны сектар Беларусі і фінансавыя інстытуты. Яны закранулі шэраг банкаў, у прыватнасці, "Белінвестбанк" і "Беларускі банк развіцця і рэканструкцыі". Пад новыя амерыканскія санкцыі трапілі прадстаўнікі сілавых ведамстваў: міністр абароны Віктар Хрэнін, а таксама Аляксандр Вальфовіч, дзяржаўны сакратар Савета бяспекі, а таксама некаторыя бізнесмены.

Акрамя таго, брытанскі прэм’ер-міністр Барыс Джонсан заявіў, што санкцыі, уведзеныя Вялікабрытаніяй супраць Расіі, накладзены таксама і на Беларусь – за "ролю ў нападзенні на Украіну".