МІНСК, 9 чэр – Sputnik. Урад Беларусі рэкамендуе мясцовым уладам пры неабходнасці прадаўжаць тэрміны рэалізацыі інвестыцыйных праектаў, такое рашэнне прыняў аператыўна-сітуацыйны штаб пры Саўміне.
Так, паводле інфармацыі прэс-службы ўрада, аблвыканкамы і Мінгарвыканкам могуць па заяве інвестараў прадоўжыць тэрміны і ўмовы рэалізацыі інвестпраектаў да трох гадоў.
Таксама зараз можна будзе змяніць мэтавае назначэнне зямельных участкаў і функцыянальны склад аб’ектаў пры рэалізацыі інвестыцыйных праектаў.
У Саўміне мяркуюць, што гэта дазволіць вырашыць праблемы, звязаныя з пастаўкай камплектуючых, тэхнікі і будаўнічых матэрыялаў. Таксама гэта прадаставіць прадпрыемствам і кампаніям больш свабоды ў манеўраванні рэсурсамі.
Больш за тое яны атрымаюць магчымасць мяняць не толькі тэрміны рэалізацыі, але і прызначэнне інвестпраектаў.
Рашэнні штаба
Апошнім часам аператыўна-сітуацыйны штаб пры Саўміне прыняў шэраг важных рашэнняў, якія падтрымліваюць эканоміку краіны ў існуючых умовах.
Так, беларускім юрыдычным асобам быў дадзены дазвол атрымліваць наяўную валюту па дамовах аб экспартных пастаўках. І зараз беларускія экспарцёры змогуць атрымліваць наяўныя долары, еўра і юані пры пастаўках тавараў і паслуг на экспарт, але з забеспячэннем залічэння атрыманых сродкаў на банкаўскія рахункі ў Беларусі.
Прынята таксама рашэнне зафіксаваць базавую арэндную велічыню і памер арэнднай платы за карыстанне дзяржаўнай рухомай і нерухомай маёмасцю да 1 красавіка 2024 года, каб захаваць умовы для стабільнай работы беларускіх кампаній і прадпрыемстваў.
А яшчэ ўрад Беларусі паабяцаў падатковыя льготы на зямлю і нерухомую маёмасць, каб знізіць фінансавую нагрузку на рэальны сектар эканомікі і пакінуць у абароце прадпрыемстваў дадатковыя грашовыя сродкі.
І гэта далёка не ўсе рашэнні, якія апошнім часам прыняў аператыўна-сітуацыйны штаб.
Меры падтрымкі эканомікі
Раней прэзідэнт Беларусі Аляксандр Лукашэнка правёў нараду з членамі ўрада, якая была прысвечана мерам падтрымкі эканомікі ва ўмовах санкцый.
Прэм’ер-міністр краіны Раман Галоўчанка прэзентаваў тады праект закона, закліканы ўдасканаліць сацыяльную і эканамічную палітыку ў рэспубліцы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Беларусы змогуць атрымаць адтэрміноўку на пагашэнне крэдытаў
Беларускі экспарт пераводзяць на кэш
Беларусь апярэдзіла Германію па экспарце ў Расію
Цэны на Geely зніжаюцца: вытворца абвясціў аб зніжках
ЕАБР прагназіруе падзенне ВУП Беларусі