МІНСК, 15 сне – Sputnik. Упершыню расійская дзяржкарпарацыя "Росатом" паставіць у Беларусь ядзернае паліва для АЭС па прамым кантракце, паведаміў журналістам дырэктар краінавага офіса карпарацыі ў Беларусі Станіслаў Лявіцкі.
"Раней ядзернае паліва пастаўлялася ў рамках EPC-кантракта, які ўключаў у сябе стартавую загрузку і першыя перазагрузкі", - растлумачыў ён.
Прадстаўнік карпарацыі запэўніў, што паліва адпавядае ўсім патрабаванням МАГАТЭ. Актыўна абмяркоўваюцца магчымыя пастаўкі інавацыйнага рэмікс-паліва. У студзені 2023 года спецыялісты "Росатома" па паліве плануюць наведаць Беларусь.
"Вельмі спадзяемся, што выкарыстанне рэмікс-паліва дазволіць палепшыць эканамічны эфект, і для Беларускай АЭС знізіць капіталаёмістасць, напрыклад, будаўніцтва месцаў захоўвання адпрацаванага паліва", - таксама адзначыў Станіслаў Лявіцкі.
Абмяркоўваецца і стварэнне даследчага рэактара на базе інстытута Нацыянальнай акадэміі навук у Соснах. У тым ліку, гэта дапаможа ў медыцынскіх распрацоўках. Беларускім калегам прапанавана ўдзельнічаць і ў даследаваннях на базе шматмэтавага рэактара на хуткіх нейтронах.
Лявіцкі дадаў, што ў расійскай карпарацыі ёсць больш за 80 новых напрамкаў, і амаль па ўсіх з іх наладжана цеснае супрацоўніцтва з Беларуссю. Напрыклад, гэта кампазітныя матэрыялы, альтэрнатыўная энергетыка, абарот адходаў, ядзерная медыцына.
Вядуцца даследаванні і па іянізавальнай апрацоўцы прадуктаў харчавання, што нашмат бяспечней за іншыя віды апрацоўкі. Такія тэхналогіі дазваляюць, напрыклад, стэрылізаваць медыцынскія інструменты.
Іншыя напрамкі "Росатома" – прэпараты на аснове ізатопаў. З іх дапамогай можна кропкава змагацца з ракавымі клеткамі, не закранаючы іншыя тканіны. Хутка пачнуцца пастаўкі ў Беларусь.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Беларусі немэтазгодна будаваць магутнасці па перапрацоўцы АЯП – эксперт
Стала вядома ступень гатоўнасці другога энергаблока БелАЭС
Не сёння заўтра нам спатрэбіцца ўтылізаваць ядзерныя адходы – Лукашэнка
Дадатковыя энергаблокі могуць пабудаваць на БелАЭС
На БелАЭС упершыню перагрузілі адпрацаванае ядзернае паліва