МІНСК, 21 сне – Sputnik. Беларусь і Расія вырашаюць пытанне аб зняцці абмежаванняў па пастаўках беларускіх прадуктаў харчавання, заявіў віцэ-прэм’ер Леанід Заяц, адказваючы на пытанні дэпутатаў.
Яму было зададзена пытанне аб тым, калі вырашыцца праблема з пастаўкамі прадуктаў харчавання з шэрага беларускіх прадпрыемстваў, да якіх прыменены абмежаванні па рашэнні Рассельгаснагляду.
"Цяпер закрыты і часткова закрыты 53 прадпрыемствы ў Беларусі, у ліку якіх 10 малочных, 29 мясных, 6 птушкафабрык і 6 прадпрыемстваў па вытворчасці кармоў. З іх шэсць – дзяржаўных, астатнія з прыватнай формай уласнасці", - сказаў Заяц.
Паводле яго слоў, беларускія ўлады не робяць адрозненняў паміж прыватнымі ці дзяржаўнымі прадпрыемствамі, і імкнуцца дапамагчы ўсім.
Заяц адзначыў, што бакі імкнуцца вырашыць гэтае пытанне. Так, у панядзелак намеснік міністра сельскай гаспадаркі і харчавання, кіраўнік дэпартамента веткантролю Беларусі прыбыў на перагаворы да кіраўніка Рассельгаснагляду Сяргея Данкверта, каб зняць гэтыя абмежаванні.
"Думаю, што адзін і другі бок пачулі патрабаванні прэзідэнта і падтрымку прэзідэнта Расійскай Федэрацыі. І гэта пытанне будзе больш станоўча вырашацца", - сказаў віцэ-прэм’ер.
Ён адзначыў, што ёсць аб’ектыўныя прычыны закрыцця прадпрыемстваў, аднак "на 99% гэта суб’ектыўныя прычыны, надуманыя".
"Нас усяляк не пускалі на расійскі рынак раней, але ў гэтым годзе на 124% павялічылася пастаўка нашай прадукцыі на расійскі рынак", - сказаў віцэ-прэм’ер.
Пры гэтым ён падкрэсліў, што гэтыя абмежаванні не ўплываюць на агульную карціну беларускага экспарту.
"Гэтыя частковыя абмежаванні не накладваюць істотнага адбітка на рэалізацыю нашай прадукцыі на экспарт. Мы ў абавязковым парадку паздымаем гэтыя абмежаванні", - падкрэсліў ён.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Пошта Расіі пачала прадаваць беларускія тавары
Рассмакавалі беларускія прадукты: аб’ём закупак Прымор’я вырас у 16 разоў
Беларусь паставіла ў Расію прадуктаў больш як на $4 млрд
Беларусь абганяе амаль усе краіны ЕАЭС па вытворчасці малака
Мінсельгасхарч зноў абнавіў мінімальныя экспартныя цэны на прадукты