МІНСК, 19 сту – Sputnik. Беларуская спартсменка Арына Сабаленка атрымала другую перамогу на адкрытым чэмпіянаце Аўстраліі, паведамляе Sputnik.
У 1/32 фіналу беларуска, якая цяпер лічыцца пятай ракеткай свету, без праблем абыграла ў дзвюх партыях прадстаўніцу ЗША Шэлбі Роджэрс (51-ы нумар міжнароднага рэйтынгу WTA) з лікам 6:3, 6:1.
Сустрэча доўжылася амаль паўтары гадзіны.
Нагадаем, да гэтага першая ракетка Беларусі выйграла ў тэнісісткі з Чэхіі Тэрэзы Марцінцовай (74) з лікам 6:1, 6:4. Цяпер ёй трэба будзе згуляць супраць бельгійкі Элізы Мертэнс (32).
Яшчэ адна беларуска Вікторыя Азаранка (24), якая двойчы перамагала ў Australian Open, таксама выйшла ў 1/16 фіналу. Выхад у трэці раунд беларускай тэнісістцы прынесла перамога над спартсменкай з Аргенціны Надзяй Падарошкай (191). У першым крузе Азаранка аказалася мацнейшай за прадстаўніцу ЗША Сафіі Кенін (203), абгуляўшы яе з лікам 6:4, 7:6 (7:3). Новай саперніцай беларускі будзе яшчэ адна амерыканка Мэдысан Кіз (13).
Трэцяя прадстаўніца Беларусі на адкрытым чэмпіянаце Аўстраліі Аляксандра Сасновіч (38) у 1/64 фіналу атрымала перамогу над чэшскай спартсменкай Брэндай Фрухвіртавай (136) з лікам 7:5, 6:2, але потым уступіла трэцяй ракетцы свету амерыканцы Джэсіцы Пегуле – 2:6 , 6:7 (5:7).
Агульны прызавы фонд Australian Open-2023 перавышае 51 мільён долараў. Пераможцы ў мужчынскім і жаночым адзіночным разрадзе атрымаюць па два мільёны долараў. Спаборніцтвы працягнуцца да 29 студзеня.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Абноўлены рэйтынг WTA і ATP: на якіх пазіцыях беларусы
Івашка і Сабаленка прызнаны лепшымі тэнісістамі Беларусі-2022
Этап Кубка Садружнасці па біятлоне стартуе ў Мінску
Як беларускі спорт спраўляецца з санкцыямі, расказаў міністр
Якія спаборніцтвы прыме Беларусь у 2023 годзе