Эксперт SputnikPro: у інфаграфіцы павінны быць візуальныя зачэпкі

МІНСК, 25 сту – Sputnik. Простыя візуалізацыі цікава разглядаць, яны дапаўняюць тэкст. Такое меркаванне выказаў вядучы дызайнер медыягрупы "Россия сегодня" Яўген Тарасенка падчас свайго майстар-класа ў мультымедыйным прэс-цэнтры Sputnik Беларусь на тэму "Эфектыўная інфаграфіка: Сэнс + Дызайн + Кантэкст".

Ён падкрэсліў, што ўдалы дызайн інфаграфікі мяркуе лёгкае счытванне галоўных сэнсаў. Нават пры той умове, што чалавек не чытае загаловак ці, напрыклад, не ведае мову, на якой прадстаўлена візуалізацыя.

У якасці добрых прыкладаў інфаграфікі эксперт назваў мабільныя прыкладанні, якія паказваюць, колькі чалавек спіць, вядуць падлік колькасці крокаў і дапамагаюць кантраляваць вагу.

"Гэта класныя візуалізацыі, якія працуюць і прыносяць карысць людзям", - сказаў Тарасенка.

Эксперт таксама падзяліўся са слухачамі важнымі крытэрыямі якаснай і карыснай інфаграфікі:

Асобна эксперт спыніўся на навуковай інфаграфіцы – візуалізацыі, якая прызначана для вузкага кола людзей. Па меркаванні эксперта, калі звычайны чалавек не можа ў ёй разабрацца – гэта зусім не кажа аб тым, што яна бескарысная. Такім прадуктам павінны карыстацца менавіта вучоныя.

SputnikPro – міжнародны асветніцкі праект у галіне медыя, ініцыяваны агенцтвам Sputnik. Гэта сістэма ўнікальных семінараў, лекцый і майстар-класаў лепшых расійскіх і замежных медыяменеджэраў, экспертаў і вядучых спецыялістаў агенцтва для журналістаў, прэс-сакратароў, блогераў і студэнтаў старэйшых курсаў профільных аддзяленняў ВНУ.

Навучальныя модулі SputnikPro у вочным фармаце прайшлі ўжо ў 24 краінах: ад Арменіі да Індыі, ад Грэцыі да Кітая. Усяго з сакавіка 2018 года ў праекце прынялі ўдзел больш за 6 000 чалавек з 80 краін.