МІНСК, 9 лют – Sputnik. Навукоўцы павінны займацца распрацоўкай тэм, якія спатрэбяцца ў жыцці, заявіў прэзідэнт Беларусі Аляксандр Лукашэнка ў Палацы Незалежнасці падчас сустрэчы з даследчыкамі.
Сёння беларускі лідар уручыў дыпломы доктара навук і атэстатаў прафесара навуковым і навукова-педагагічным работнікам.
Паводле слоў Лукашэнкі, беларускія вучоныя цяпер павінны больш надаваць увагі тэмам, якія маюць практыка-арыентаваны характар.
"Тое, што сёння на злобу дня. Тое, што патрэбна цяпер у нашым жыцці. Пачынаючы ад ваенных навук, бяспекі, заканчваючы мірным жыццём. У гэтым вялікі практычны сэнс", - цытуе Аляксандра Лукашэнку БелТА.
Пасля чаго канстатаваў, што за мяжой выдзяляюць вялікія грошы на перспектыўныя навуковыя напрамкі. Іншаземцы гатовы інвесціраваць фінансы ў даследаванні.
"Усё сёння трэба, і ва ўсё гатовы інвесціраваць, вялікія грошы гатовы інвесціраваць. Але трэба паказаць тавар, паказаць яго эфектыўнасць і затым разгортваць вытворчасць", - падзяліўся бачаннем сітуацыі кіраўнік дзяржавы.
На яго думку, зараз абстаноўка патрабуе аператыўнай рэакцыі, таму што маятнік пахіснуўся ў бок Беларусі і гэта трэба выкарыстоўваць, таму што потым будзе позна.
"Заўтра свет зноў супакоіцца і будзе спачываць на лаўрах, на тых дасягненнях, якія вы атрымалі на сённяшні момант. Ціха будзе, спакойна, прывольна, усе будуць жыць, тлусцець у нанова пераразмеркаваным свеце. Свет будзе іншы. Гэта ўжо ніхто сёння не аспрэчвае", - упэўнены Аляксандр Лукашэнка.
У завяршэнне ён заклікаў навукоўцаў выкарыстоўваць дадзены момант, таму што гэта можа прынесці свой вынік. Краіне патрэбен рух наперад магутны і хуткі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Беларусі патрэбен свой электрамабіль – Галоўчанка
Празрысты тэлевізар і не толькі: выстава высокіх тэхналогій у Мінску – фота
Калі будзе запуск беларуска-расійскага спадарожніка, расказалі ў НАН Беларусі
Выставу дасягненняў навукі даручыў правесці Лукашэнка
Прэм'ер даручыў гісторыкам разабрацца, дзе знаходзіўся Мінск першапачаткова