Выставу дасягненняў навукі даручыў правесці Лукашэнка

© Photo : пресс-служба президента БеларусиСустрэча Аляксандра Лукашэнкі са старшынёй прэзідыума НАН Беларусі Уладзімірам Гусаковым
Сустрэча Аляксандра Лукашэнкі са старшынёй прэзідыума НАН Беларусі Уладзімірам Гусаковым
 - Sputnik Беларусь, 1920, 18.10.2022
Падпісацца на
НовостиTelegram
Экспазіцыю плануюць паказаць публіцы ў канцы лістапада ці пачатку снежня: такое даручэнне даў Лукашэнка кіраўніку Нацыянальнай акадэміі навук.
МІНСК, 18 кас – Sputnik. Выстава дасягненняў айчыннай навукі можа прайсці ў Беларусі ў канцы лістапада ці пачатку снежня. Такое даручэнне даў прэзідэнт Беларусі Аляксандр Лукашэнка старшыні прэзідыума Нацыянальнай акадэміі навук (НАН) Беларусі Уладзіміру Гусакову.
"Мы гэта ўмеем рабіць. Вы не раз гэта арганізоўвалі. Падбяром добрую залу. Не толькі для таго, каб вы зрабілі справаздачу, далажылі аб поспехах, але і больш народу паказаць, што мы можам", - адзначыў Лукашэнка.
Паводле слоў прэзідэнта, у Беларусі мала прапагандуюцца дасягненні айчыннай навукі. Лукашэнка мяркуе, што выставу можна правесці ў выставачным цэнтры "БелЭкспа" на праспекце Пераможцаў у Мінску.
Падобныя выставы праходзілі ў Беларусі і раней. Напрыклад, у 2017-м, які быў аб’яўлены Годам навукі. У мінскім Палацы Рэспублікі праходзіў з’езд вучоных, і паралельна з ім адкрылі экспазіцыю.
Напрыклад, быў паказаны падводны рабатызаваны комплекс, які можа шукаць патанулых. Сярод іншых экспанатаў былі: штучная скура, беспілотнікі сямейства "Бусел" і г.д.
На сённяшняй сустрэчы з Гусаковым Лукашэнка якраз закрануў тэму беспілотнікаў для вайскоўцаў: "…Пра гэта будзем і ў пятніцу казаць, гэта нашы беспілотнікі. Як вы тут канкурыруеце з прыкладной навукай і з прадпрыемствамі, ствараючы новыя беспілотныя лятальныя апараты".
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Лукашэнка анансаваў размову аб вытворчасці беларускіх беспілотнікаў
Як Беларусь і Расія будуць супрацоўнічаць у прамысловасці і навуцы?
Спісак кандыдатаў у касманаўты ад Беларусі гатоў – "Роскосмос"
Урад павялічыць фінансаванне распрацовак навукаёмістых тэхналогій
Лукашэнка назваў самыя каштоўныя якасці беларускіх навукоўцаў
Стужка навiн
0