https://bel.sputnik.by/20190608/Ne-tolk-drank-samyya-smachnyya-stravy-belaruskay-kukhn-1041448218.html
Не толькі дранікі: самыя смачныя стравы беларускай кухні
Не толькі дранікі: самыя смачныя стравы беларускай кухні
Sputnik Беларусь
Што можна пакаштаваць у Беларусі, калі хочацца нацыянальных страў і не хочацца стэрэатыпаў. 08.06.2019, Sputnik Беларусь
2019-06-08T11:08+0300
2019-06-08T11:08+0300
2022-04-14T15:49+0300
цiкавосткi
беларуская кухня
спадчына
у беларусі
прыродная сталоўка: гатуем з таго, што пад нагамі
https://cdnn11.img.sputnik.by/img/103789/95/1037899511_0:84:1601:984_1920x0_80_0_0_19f9481057d9e498a7f73489677576a6.jpg
Смачныя, але на самыя разрэкламаваныя стравы беларускай кухні, якія стануць выдатнай альтэрнатывай дранікам - у падборцы Sputnik.Пірог з лебядыУ даўніну лебяду вырошчвалі як агародніну. Калі пагартаць старадаўнія кулінарныя кнігі, можна знайсці шмат рэцэптаў, у якіх асноўным інгрэдыентам было менавіта гэтае пустазелле.У беларускіх вёсках лебяду звычайна дадавалі ў супы, як посныя, так і звараныя на мясным булёне.Але самым смачным ласункам лічыўся пірог з лебядой. Акрамя пустазелля ў начынку звычайна ўваходзілі вараныя яйкі і смажаны лук з грыбамі. Такія пірагі не елі кожны дзень, а падавалі на стол па святах.Халаднік са шчаўяСупы - асобная старонка ў беларускай народнай кулінарнай кнізе. Нават летам беларусы не пераставалі есці суп, проста гарачая страва станавілася халоднай.Халаднік больш звыкла бачыць у ружовым колеры - звычайна яго гатуюць з буракоў з яйкамі, пер'ем цыбулі і хрумсткімі агурочкамі. У беларусам карыстаўся папулярнасцю свой варыянт - халаднік са шчаўя. Інгрэдыенты і прынцып прыгатавання - тыя ж, толькі замест буракоў - маладое шчаўе.Суп з прыемнай кіслінкай можна есці з цёплай адварной бульбай, запраўленай кавалачкам сметанковага масла.МачанкаБліны на беларускім стале ніколі не стаялі ў адзіночку - дапаўнялі іх мачанкай. Было некалькі разнавіднасцяў гэтай "несамастойнай" стравы, напрыклад, верашчака. Так называлі падліўку на булёне з мукой і кавалачкамі сала, мяса ці каўбасы. Галоўнае адрозненне заключалася ў тым, што верашчаку заўсёды елі гарачай, для мачанкі такіх абмежаванняў не было - астываючы яна станавілася нават смачнейшай.Яшчэ адзін від мачанкі - пражніна. Гэта соус з аўсянай, жытняй і пшанічнай мукі тонкага памолу, у які дадавалі кавалачкі свінога сала, рабрынкі або кольцы каўбасы, а таксама лук і спецыі. Гэтую сумесь у таўстасценным гліняным чыгуне доўга трымалі ў печы, пакуль кожны інгрэдыент не аддаваў свой смак падліўцы.Качка з капустайБеларусы гатавалі мноства страў з птушкі - мяса салілі, вэндзілі, замарожвалі і проста смажылі. Качку з капустай гатавалі звычайна па святах, часта на Святога Марціна - гэта восеньскае свята, калі было прынята рэзаць хатнюю птушку і нарыхтоўваць яе на зіму.Для прыгатавання гэтай стравы качку абкладвалі капустай, абсыпалі сухарамі, залівалі вяршкамі і ставілі ў печ. Некаторыя спраўныя гаспадыні акрамя любімых спецый дадавалі ў гэтую страву цыбулю-парэй. Не варта здзіўляцца, гэтую культуру ў Беларусі вырошчваюць ужо два стагоддзі.Банды і бондыЯк ні круці, але падмурак беларускай нацыянальнай кухні - усё ж такі бульба. Дарэчы, яе нашы продкі ўжывалі не толькі ў кулінарыі. Бульбу выкарыстоўвалі як сродак для мыцця ваўняных рэчаў - яны не проста станавіліся чыстымі, але і захоўвалі форму і яркі колер.Калі казаць пра больш традыцыйнае выкарыстанне бульбы, то на беларускім стале нярэдка з'яўляліся бонды - назва пайшла ад звычаю частаваць знаёмых і суседзяў салам, хлебам, мясам, гароднінай і садавінай новага ўраджаю. Такую ж назву насілі і дзве цікавыя стравы - банды і бонды.Банды гатуюць на падсцілцы з дубовых лiстоў. Бульбу труць як на дранікі, дадаюць лук, мяса і сала. Адзін з інгрэдыентаў бондаў - свіная кроў, якую таксама дадаюць да нацертай бульбы.КвасоліхаЯшчэ адзін абавязковы інгрэдыент беларускага стала - бабовыя культуры. Стравы з фасолі звычайна гатавалі зімой, пасля навагодніх святаў, калі запасы правізіі станавіліся меньшымі.Квасоліха - гэта сумесь з адварной фасолі, гародніны, грыбоў і сала - выдатны варыянт для тых, хто хоча разнастаіць бялковы рацыён чымсьці новым. Вегетарыянцы і адэпты здаровага ладу жыцця могуць адаптаваць рэцэпт пад сябе і выключыць са спісу прадуктаў сала.БігасПа легендзе гэтую страву беларусы гатавалі, каб задобрыць гаспадара лесу. Да яго ў нашых продкаў было асаблівае стаўленне - калі год быў не ураджайным, ратавацца ад голаду дапамагалі менавіта лясныя нетры.Бігас гатавалі з кіслай капусты і ялавічыны. Елі яго звычайна пасля палявання, таму страва было вельмі тлустай - з даданнем распаленага свінога тлушчу, а часам і падсмажанай каўбасы.
https://bel.sputnik.by/20180929/yak-prygatavac-prypravy-dlya-nepa-tornaga-smaku-strau-1037880451.html
Sputnik Беларусь
media@sputniknews.com
+74956456601
MIA „Rossiya Segodnya“
2019
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
цiкавосткi, беларуская кухня, спадчына, у беларусі, прыродная сталоўка: гатуем з таго, што пад нагамі
цiкавосткi, беларуская кухня, спадчына, у беларусі, прыродная сталоўка: гатуем з таго, што пад нагамі
Не толькі дранікі: самыя смачныя стравы беларускай кухні
11:08 08.06.2019 (абноўлена: 15:49 14.04.2022) Што можна пакаштаваць у Беларусі, калі хочацца нацыянальных страў і не хочацца стэрэатыпаў.
Смачныя, але на самыя разрэкламаваныя стравы беларускай кухні, якія стануць выдатнай альтэрнатывай дранікам - у падборцы Sputnik.
У даўніну лебяду вырошчвалі як агародніну. Калі пагартаць старадаўнія кулінарныя кнігі, можна знайсці шмат рэцэптаў, у якіх асноўным інгрэдыентам было менавіта гэтае пустазелле.
У беларускіх вёсках лебяду звычайна дадавалі ў супы, як посныя, так і звараныя на мясным булёне.
Але самым смачным ласункам лічыўся
пірог з лебядой. Акрамя пустазелля ў начынку звычайна ўваходзілі вараныя яйкі і смажаны лук з грыбамі. Такія пірагі не елі кожны дзень, а падавалі на стол па святах.
Супы - асобная старонка ў беларускай народнай кулінарнай кнізе. Нават летам беларусы не пераставалі есці суп, проста гарачая страва станавілася халоднай.
Халаднік больш звыкла бачыць у ружовым колеры - звычайна яго гатуюць з буракоў з яйкамі, пер'ем цыбулі і хрумсткімі агурочкамі. У беларусам карыстаўся папулярнасцю свой варыянт -
халаднік са шчаўя. Інгрэдыенты і прынцып прыгатавання - тыя ж, толькі замест буракоў - маладое шчаўе.
Суп з прыемнай кіслінкай можна есці з цёплай адварной бульбай, запраўленай кавалачкам сметанковага масла.
Бліны на беларускім стале ніколі не стаялі ў адзіночку - дапаўнялі іх мачанкай. Было некалькі разнавіднасцяў гэтай "несамастойнай" стравы, напрыклад, верашчака. Так называлі падліўку на булёне з мукой і кавалачкамі сала, мяса ці каўбасы. Галоўнае адрозненне заключалася ў тым, што верашчаку заўсёды елі гарачай, для мачанкі такіх абмежаванняў не было - астываючы яна станавілася нават смачнейшай.
Яшчэ адзін від мачанкі - пражніна. Гэта соус з аўсянай, жытняй і пшанічнай мукі тонкага памолу, у які дадавалі кавалачкі свінога сала, рабрынкі або кольцы каўбасы, а таксама лук і спецыі. Гэтую сумесь у таўстасценным гліняным чыгуне доўга трымалі ў печы, пакуль кожны інгрэдыент не аддаваў свой смак падліўцы.
Беларусы гатавалі мноства страў з птушкі - мяса салілі, вэндзілі, замарожвалі і проста смажылі. Качку з капустай гатавалі звычайна па святах, часта на Святога Марціна - гэта восеньскае свята, калі было прынята рэзаць хатнюю птушку і нарыхтоўваць яе на зіму.
Для прыгатавання
гэтай стравы качку абкладвалі капустай, абсыпалі сухарамі, залівалі вяршкамі і ставілі ў печ. Некаторыя спраўныя гаспадыні акрамя любімых спецый дадавалі ў гэтую страву цыбулю-парэй. Не варта здзіўляцца, гэтую культуру ў Беларусі вырошчваюць ужо два стагоддзі.
Як ні круці, але падмурак беларускай нацыянальнай кухні - усё ж такі бульба. Дарэчы, яе нашы продкі ўжывалі не толькі ў кулінарыі. Бульбу выкарыстоўвалі як сродак для мыцця ваўняных рэчаў - яны не проста станавіліся чыстымі, але і захоўвалі форму і яркі колер.
Калі казаць пра больш традыцыйнае выкарыстанне бульбы, то на беларускім стале нярэдка з'яўляліся бонды - назва пайшла ад звычаю частаваць знаёмых і суседзяў салам, хлебам, мясам, гароднінай і садавінай новага ўраджаю. Такую ж назву насілі і дзве цікавыя стравы -
банды і бонды.
Банды гатуюць на падсцілцы з дубовых лiстоў. Бульбу труць як на дранікі, дадаюць лук, мяса і сала. Адзін з інгрэдыентаў бондаў - свіная кроў, якую таксама дадаюць да нацертай бульбы.
Яшчэ адзін абавязковы інгрэдыент беларускага стала - бабовыя культуры. Стравы з фасолі звычайна гатавалі зімой, пасля навагодніх святаў, калі запасы правізіі станавіліся меньшымі.
Квасоліха - гэта сумесь з адварной фасолі, гародніны, грыбоў і сала - выдатны варыянт для тых, хто хоча разнастаіць бялковы рацыён чымсьці новым. Вегетарыянцы і адэпты здаровага ладу жыцця могуць адаптаваць рэцэпт пад сябе і выключыць са спісу прадуктаў сала.
Па легендзе гэтую страву беларусы гатавалі, каб задобрыць гаспадара лесу. Да яго ў нашых продкаў было асаблівае стаўленне - калі год быў не ураджайным, ратавацца ад голаду дапамагалі менавіта лясныя нетры.
Бігас гатавалі з кіслай капусты і ялавічыны. Елі яго звычайна пасля палявання, таму страва было вельмі тлустай - з даданнем распаленага свінога тлушчу, а часам і падсмажанай каўбасы.
