Прэм'ера фільма пра Купалу адкладаецца

© Sputnik / Виктор ТолочкоАфіша фільма пра Купалу
Афіша фільма пра Купалу - Sputnik Беларусь
Падпісацца
Стваральнікі карціны не выключаюць для яе і фестывальнага лёсу - магчымая прэм'ера на якім-небудзь з фестываляў.

МІНСК, 15 ліс - Sputnik. Фільм "Купала" будзе гатовы ўжо ў снежні, але прэм'ера адкладзеная на 2020 год, заявіў рэжысёр карціны Уладзімір Янкоўскі.

Мікалай Шастак дзіўна падобны да маладога Купалы - Sputnik Беларусь
Сто мяхоў лісця і тры МАЗы снегу: як здымалі фільм пра Купалу

Карціну пра беларускага песняра Янку Купалу рыхтуюць амаль два гады. Першы трэйлер стужкі быў паказаны ў гэтым годзе і выклікаў вялікую цікавасць у публікі.

На пытанне "СБ" аб тым, ці чакае фільм фестывальная будучыня, Янкоўскі прызнаў, што марыць пра гэта.

"Мы адкладаем прэм'еру на 2020 год. У снежні пакажам фільм грамадскасці і прэсе, а потым будзе прэм'ера на нейкім з фэстаў. Якім чынам гэта ўсё адбудзецца, не ведаю. Гэта таксама працэс сур'ёзны. Ідуць перамовы, але канкрэтыкі няма. Фільм будзе гатовы ў сярэдзіне снежня, адборшчыкі просяць яго паказаць. Пасля гэтага нешта праясніцца", - заявіў рэжысёр.

Грамадскасці карціну пакажуць 17 снежня - у дзень 95-годдзя беларускага кіно. Калі ж чакаць шырокага пракату ў кінатэатрах, пакуль незразумела.

Да здымак "Беларусьфільм" прыступіў летам 2018 года. Тады карціну здымалі пад працоўнай назвай "Пакуль будзе неба". Кінапраект быў прысвоены статус нацыянальнага фільма. Выйдзе не толькі пракатная версія карціны, але і чатырохсерыйны серыял, так як, па прызнанні гендырэктара кінастудыі Уладзіміра Карачэўскага, матэрыялу было знята шмат.

Чытайце таксама:

Стужка навiн
0