Лукашэнка накіраваў прывітанне ўдзельнікам Дня беларускага пісьменства

© пресс-служба президента БеларусиПрэзідэнт Беларусі Аляксандр Лукашэнка
Прэзідэнт Беларусі Аляксандр Лукашэнка - Sputnik Беларусь, 1920, 04.09.2021
Фестываль, прымеркаваны да Года народнага адзінства, праходзіць у першыя выхадныя верасня ў Капылі Мінскай вобласці.
МІНСК, 4 вер – Sputnik. Аляксандр Лукашэнка накіраваў прывітанне гасцям і ўдзельнікам Дня беларускага пісьменства, паведамілі ў прэс-службе беларускага прэзідэнта.
Фестываль, прымеркаваны да Года народнага адзінства, праходзіць 4-5 верасня ў Капылі пад Мінскам.
Як адзначаецца ў прывітанні беларускага лідара, на Капыльскай зямлі нарадзіліся многія вядомыя дзеячы Беларусі. Юбілеі Максіма Багдановіча, Івана Шамякіна, Кандрата Крапівы, Івана Мележа і іншых беларускіх пісьменнікаў і паэтаў будуць адзначацца падчас форуму. Іх творчасць "з'яўляецца невычэрпнай крыніцай нацыянальнага гонару", сказана ў прывітанні.
Дзякуючы вядомым беларускім класікам і новаму пакаленню таленавітай і патрыятычнай моладзі ў краіне берагуць гістарычную памяць беларускага народа, дадаў беларускі лідар.
"Праўдзівае, адказнае і сумленнае роднае слова - залог кансалідацыі грамадства, на падмурку якога мы зможам і ў далейшым паспяхова будаваць незалежную, моцную і квітнеючую краіну", - адзначыў Лукашэнка.

Кросплатформавы фармат

Як паведаміў напярэдадні старту форуму міністр інфармацыі Беларусі Уладзімір Пярцоў, Дзень беларускага пісьменства ў бягучым годзе пройдзе ў кросплатформавым фармаце.
"Мы пастараемся праз новыя лічбавыя платформы ў першую чаргу моладзь прыцягнуць да беларускай літаратуры, адцягнуць яе ад сацыяльных сетак і месенджэраў", - сказаў міністр.
У прыватнасці, на фестывалі будуць прэзентаваны маркі з дапоўненай рэальнасцю, інтэрактыўны пешаходны QR-квэст, а таксама беларускае мабільнае прыкладанне "Чытанка" для праслухоўвання аўдыёкніг.
Акрамя таго, у праграме Дня пісьменства - ўзнагароджанне пераможцаў Нацыянальнай літаратурнай прэміі, дзіцячы конкурс "Жывая класіка" і творчы вечар Мікалая Чаргінца.
Пісьменнік Алесь Адамовіч - Sputnik Беларусь, 1920, 03.09.2021
Алесь Адамовіч і тры тэмы яго жыцця – вайна, Курапаты, Чарнобыль
Чытайце таксама:
Помнік Льву Сапегу ўрачыста адкрылі ў Слоніме
"Малая падарожная кніжка" Скарыны ўпершыню ў Полацку
У атачэнні пісьменнікаў і друкарскіх станкоў: Дзень пісьменства ў Рагачове
Стужка навiн
0
Спачатку новыяСпачатку старыя
loader
У эфіры
Заголовок открываемого материала