Прышчэплена палова Беларусі: Мінздароўя расказала аб ходзе вакцынацыі ад COVID-19

© Sputnik / Оливер Ондрас / Перайсці ў медыябанкВакцынацыя супраць каронавіруса прэпаратам "Спутник V"
Вакцынацыя супраць каронавіруса прэпаратам  Спутник V - Sputnik Беларусь, 1920, 28.12.2021
Падпісацца
Тэмпы вакцынацыі супраць COVID-19 у Беларусі ў снежні выраслі ў два разы – такі прырост Міністэрства аховы здароўя зафіксавала на фоне лістапада.
МІНСК, 28 сне – Sputnik. У Беларусі ад каронавіруса прышчэплена больш за 4,669 мільёна чалавек – менавіта столькі атрымалі першую дозу вакцыны, пра гэта паведамляе прэс-служба Міністэрства аховы здароўя.
Поўны курс вакцынацыі з дзвюх прышчэпак (або аднакампанентным прэпаратам) прайшлі звыш 3,564 мільёна беларусаў.
Як раней заяўляў намеснік міністра аховы здароўя – галоўны дзяржаўны санітарны ўрач Аляксандр Тарасенка, у рэспубліцы ў параўнанні з лістападам тэмпы вакцынацыі выраслі ў два разы.
Міністр аховы здароўя Дзмітры Піневіч не раз гаварыў аб тым, што ў планах прывіць палову насельніцтва краіны да канца года. На дадзены момант у Беларусі для вакцынацыі даступны чатыры прэпараты: тры расійскія – "Спутник V", "Спутник Лайт" і "КовиВак", адзін кітайскі – Vero Cell ("Сінафарм").
Апошнім днямі дазволілі вакцынаваць і падлеткаў – ад 12 да 17 гадоў. Па словах Тарасенкі, узроставую планку могуць пашырыць: аб вакцынацыі дзяцей малодшага ўзросту таксама можна будзе казаць.

Каронавірус у Беларусі

Міністэрства аховы здароўя ў снежні некалькі разоў заяўляла, што эпідсітуацыя ў рэспубліцы паляпшаецца настолькі, што дае магчымасць выводзіць ложкавы фонд з рэжыму інфекцыйнага стацыянара. Так, 27 снежня ведамства паведаміла аб сур'ёзным зніжэнні сутачнай колькасці хворых на каронавірус – зарэгістраваны толькі 642 пацыенты.
Гэта ўжо другі выпадак рэкорднага зніжэння захворвання ў разгар чацвёртай хвалі пандэміі – 14 снежня Міністэрства аховы здароўя паведаміла аб 778 хворых.
Афіцыйная эпідзводка за 27 снежня пабіла і гэты рэкорд. Менш рэгістравалі толькі 17 жніўня – 597 хворых.
Усяго з пачатку пандэміі ў Беларусі выяўлена 694 226 выпадкаў каронавіруснай інфекцыі, памерлі 5512 чалавек.
Біяферментар - Sputnik Беларусь, 1920, 27.12.2021
Міфы, мемы і жарты: кіраўнік "БелВітуніфарма" шчыра пра беларускую вакцыну
Чытайце таксама:
У Беларусі пачалі прышчэпліваць дзяцей ад каронавіруса
Што сказаў Пуцін аб прымусовай вакцынацыі супраць каронавіруса
Лукашэнка назваў асаблівасці беларускага шляху барацьбы з пандэміяй
Беларускі цуд: дзе будуць рабіць айчынную вакцыну ад каронавіруса
СААЗ прызнае "Спутник V" на працягу некалькіх месяцаў
Стужка навiн
0