Ці будзе ў хуткім часе лакдаўн у Расіі, распавялі ў Крамлі
© Sputnik / Илья Наймушин
/ Падпісацца
У сітуацыі з распаўсюджваннем "амікрона" людзі могуць зрабіць самае галоўнае – прышчапіцца ад каронавіруса, лічыць прэс-сакратар прэзідэнта РФ.
МІНСК, 12 сту – Sputnik. У Крамлі лічаць, што лічбы захворвання "амікронам" у Расіі будуць вельмі высокія – гэта спецыфіка новага штама, заявіў прэс-сакратар расійскага прэзідэнта Дзмітрый Пяскоў.
Пры гэтым ён адзначыў, што пакуль ніхто не можа адказаць на пытанне, ці трэба будзе ўводзіць у Расіі лакдаўн або рэжым непрацоўных дзён на фоне новай хвалі каронавіруса.
"На гэтае пытанне цяпер вам ніхто не адкажа. Зразумела, што планка захворвання будзе высокая", - канстатаваў прадстаўнік Крамля.
Галоўнае дабро ў пандэмію
Паводле яго слоў, людзі могуць зрабіць сабе і сваім блізкім дабро "на фоне вайны, якая насоўваецца": для гэтага трэба вакцынавацца.
"Упэўненым можна быць у адным: калі тыя, хто не прышчапіўся, вакцынуюцца або тыя, хто прышчапіўся больш за паўгода таму, зробяць сабе бустэр, яны зробяць сабе, сваім родным і блізкім дабро на фоне гэтай вайны, якая насоўваецца", – сказаў Пяскоў.
Ён таксама распавёў, што ў Крамлі спадзяюцца, што нагрузка на сістэму аховы здароўя будзе не крытычнай, бо ёсць папярэднія дадзеныя аб тым, што "амікрон" працякае лягчэй у пацыентаў.
Ці сыдзе на дыстанцыёнку Крэмль
Дзмітрый Пяскоў адзначыў, што лідар РФ Уладзімір Пуцін штодзень вывучае праблемы, звязаныя з каронавіруснай інфекцыяй у краіне.
"Пастаянна прымае ўдзел у працы штаба. Гэтая праца – штодзённая ўжо на працягу двух гадоў", – сказаў Пяскоў.
Пры гэтым ён удакладніў, што пакуль адміністрацыя Крамля не плануе сыходзіць на выдаленую працу.
Аднак спецыялісты падрыхтуюць рэкамендацыі па арганізацыі працы прэзідэнта РФ Уладзіміра Пуціна ў сувязі з прагнозамі па пагаршэнні эпідабстаноўкі.
"Безумоўна, усе меры, звязаныя з бяспекай, эпідэміялагічнай бяспекай прэзідэнта будуць прымацца, гэта абавязкова", – сказаў прэс-сакратар прэзідэнта Расіі.
Штам "амікрон" у Расіі
Раней падчас нарады прэзідэнта РФ з членамі ўрада Таццяна Голікава заявіла, што па дадзеных на 12 студзеня ў Расіі выяўлена 698 выпадкаў "амікрон"-штама каронавіруса. Паводле слоў віцэ-прэм’ера, большая частка з іх зафіксавана ў Маскоўскім рэгіёне.
Прэзідэнт Расіі Уладзімір Пуцін у сваю чаргу ўказаў, што на фоне магчымага росту захворвання на COVID-19, трэба падрыхтаваць бальнічную сетку і прамысловасць, а таксама нарасціць тэмпы вакцынацыі і тэсціравання.
Ён падкрэсліў, што мінулыя навагоднія святы не могуць не адбіцца на эпідэміялагічнай сітуацыі ў краіне.
"Амікрон" у Беларусі
За некалькі дзён да пачатку 2022 года Міністэрства аховы здароўя паведаміла аб выяўленні ў рэспубліцы першых захварэлых на "амікрон". Сярод іх былі чацвёра раней непрышчэпленых мінчан ва ўзросце ад 20 да 46 гадоў. Вядома, што адзін з мужчын хутчэй за ўсё мог заразіцца новым штамам у Егіпце, дзе ён быў на адпачынку.
Паводле слоў загадчыка кафедры інфекцыйных хвароб і дзіцячых інфекцый БелМАПА Юрыя Горбіча, у Беларусі ўжо значна больш, чым чацвёра хворых: ёсць "амікрон" і ў рэгіёнах, былі выпадкі захворвання на гэты штам і ў дзяцей.
Чытайце таксама:
Новы антырэкорд: СААЗ абнавіла лічбы па COVID у свеце
Выяўлены гібрыд штамаў "дэльта" і "амікрон", яго назвалі "дэльтакрон"
У Беларусі выяўлены выпадкі заражэння "амікронам" – Міністэрства аховы здароўя
СААЗ ацаніла эфектыўнасць вакцын Pfizer і AstraZeneca супраць амікрона
Новы "Спутник V" пад "амікрон"-штам стварылі расійскія вучоныя
