Мінабароны Расіі падвяло першыя вынікі спецаперацыі ў Данбасе
17:57 24.02.2022 (абноўлена: 18:01 24.02.2022)
© Пресс-служба Минобороны РФ
/ Падпісацца
Паводле звестак расійскага ваеннага ведамства, у раёне баявых дзеянняў супраціўленне ў асноўным аказваюць узброеныя атрады нацыяналістаў.
МІНСК, 24 лют – Sputnik. Ваенная спецаперацыя ў Данбасе працягваецца: у выніку расійскіх удараў са строю выведзены 74 наземныя аб’екты ваеннай інфраструктуры Украіны, заявіў журналістам афіцыйны прадстаўнік Мінабароны Расіі генерал-маёр Ігар Канашэнкаў.
Знішчаны ў тым ліку 11 аэрадромаў ВПС, тры камандныя пункты, пункт базіравання Ваенна-марскіх сіл і 18 радыёлакацыйных станцый комплексаў СПА С-300 і "Бук-М1". Акрамя таго, падчас аперацыі былі збіты ўкраінскі баявы верталёт і чатыры ўдарныя беспілотнікі "Байрактар ТБ-2".
У ведамстве таксама распавялі, што падчас спецаперацыі пацярпеў аварыю расійскі штурмавік Су-25 – пілоту прыйшлося катапультавацца.
"У Паветрана-касмічных сілах Расіі ў выніку памылкі тэхнікі пілатавання пацярпеў аварыю штурмавік Су-25. Лётчык паспяхова катапультаваўся і ўжо знаходзіцца ў размяшчэнні сваёй воінскай часці", - сказаў Канашэнкаў.
На 7 кіламетраў углыб
У Данбасе працягваецца контрнаступленне на баявыя парадкі ўкраінскай арміі, групоўкам войск ДНР і ЛНР дапамагаюць падраздзяленні Узброеных сіл РФ. Па словах прадстаўніка расійскага Мінабароны, у раёне баявых дзеянняў супраціўленне ў асноўным аказваюць узброеныя атрады нацыяналістаў. Пры гэтым украінскія вайскоўцы ад сутыкненняў імкнуцца ўхіляцца і дамаўляюцца аб калідорах для выхаду без узбраення з зоны аперацыі.
Генерал адзначыў, што войскі ДНР, наступаючы ў бок Валнаваха, зайшлі на глыбіню да 7 кіламетраў. У ходзе баявых дзеянняў здаліся 14 вайскоўцаў украінскай арміі. Пасля ўзяцця ў іх падпіскі аб адмове ад узброенага супраціўлення ўсе яны будуць адпушчаны да сямей.
Групоўка войск ЛНР у раёне населенага пункта Стэпавое, нягледзячы на жорсткае супраціўленне нацыяналістычных батальёнаў, прасунулася яшчэ на адзін кіламетр.
Адносіцца з павагай
Па словах Канашэнкава, міністр абароны РФ Сяргей Шайгу даў распараджэнне расійскім вайскоўцам з павагай ставіцца да ўкраінскіх вайскоўцаў. Адзначаецца, што для тых, хто склаў зброю і здаўся, будуць прапрацаваны бяспечныя калідоры.
Шайгу патлумачыў сваё рашэнне тым, што ў адрозненне ад нацыяналістаў, вайскоўцы ВСУ давалі прысягу ўкраінскаму народу і падпарадкоўваліся загадам, а таму да іх неабходна "ставіцца з павагай".
Ваенная аперацыя ў Данбасе
Прэзідэнт РФ Уладзімір Пуцін раніцай 24 лютага звярнуўся да расіян і паведаміў, што прыняў рашэнне аб спецыяльнай ваеннай аперацыі ў Данбасе. Ён заявіў, што напярэдадні Луганская і Данецкая народныя рэспублікі звярнуліся да Расіі з просьбай аб дапамозе.
Кіраўнік расійскай дзяржавы адзначыў, што ўся адказнасць за кровапраліцце будзе на сумленні кіруючага ва Украіне рэжыму, і заклікаў украінскіх вайскоўцаў не выконваць злачынных загадаў украінскай улады, скласці зброю і ісці дадому. Мінабароны РФ паведаміла, што Узброеныя сілы Расіі не наносяць ніякіх ракетных, авіяцыйных ці артылерыйскіх удараў па гарадах Украіны.
Па дадзеных ведамства, высокадакладнымі сродкамі паражэння выводзяцца са строю ваенная інфраструктура, аб’екты СПА, ваенныя аэрадромы, авіяцыя Узброеных сіл Украіны. У міністэрстве ўдакладнілі, што грамадзянскаму насельніцтву нічога не пагражае.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Спецаперацыя РФ у Данбасе і ваеннае становішча ва Украіне: што вядома да гэтай гадзіны
Эксперты назвалі прычыны спецаперацыі на Данбасе
Беларуская армія знаходзіцца ў рэжыме баявой гатоўнасці – Хрэнін
Беларусь узмацніла ахову мяжы з краінамі ЕС і Украінай
Што адбываецца ў Данецку і Луганску – фота з месца падзей
СБУ рыхтуе правакацыі з пастановачнай відэаздымкай – Мінабароны Расіі
Украіна разрывае дыпламатычныя адносіны з Расіяй – Зяленскі
Кіеў прайграе: Лукашэнка назваў умовы перамоў РФ з Украінай
Лукашэнка распавёў, ці ўдзельнічаюць беларускія войскі ў аперацыі ў Данбасе
Мінабароны РФ: украінскія вайскоўцы масава пакідаюць пазіцыі, кідаючы зброю
