Якім будзе надвор’е на Дзень Перамогі ў Мінску

© Sputnik / Виктор ТолочкоБеларускі дзяржаўны музей гісторыі Вялікай Айчыннай вайны
Беларускі дзяржаўны музей гісторыі Вялікай Айчыннай вайны - Sputnik Беларусь, 1920, 08.05.2022
Падпісацца
Надвор’е 9 мая ў Мінску будзе вельмі падобнае да таго, што было ў беларускай сталіцы 9 мая 1945 года.
МІНСК, 8 мая – Sputnik. Сіноптыкі Белгідрамета расказалі, чаго чакаць ад надвор’я 9 мая ў беларускай сталіцы.
У панядзелак сіноптыкі не прагназуюць дождж, будзе невялікая воблачнасць. Раніцай і ноччу чакаецца слабы туман. Хуткасць ветру дасягне 3-8 метра за секунду.
Паветра ўначы прагрэецца ад 1 да 3 градусаў цяпла. У Мінскім раёне могуць быць замаразкі крыху ніжэйшыя за нуль.
Днём жа будзе цёпла – 12-14 градусаў са знакам плюс.
Падобнае надвор’е было і падчас аб’яўлення аб капітуляцыі фашысцкай Германіі, 9 мая 1945 года. Тады ў беларускай сталіцы было +2,9 градуса ноччу, днём – 12,3 цяпла. Месцамі ішоў невялікі дождж.
Тэмпературны максімум у гэты дзень сіноптыкі зафіксавалі ў 2013-м (+26,2), мінімум спецыялісты рэгістравалі ў 1953 годзе (-1,8 градуса).

Куды пайсці 9 мая ў Мінску

Пачнецца святкаванне Дня Перамогі з шэсця пакаленняў. Калона пройдзе ад Кастрычніцкай плошчы да плошчы Перамогі. Калону ўзначаліць моладзь, ветэраны прымуць удзел, але будуць чакаць удзельнікаў ужо каля манумента.
Асноўная лінія святочных падзей – тэма Года гістарычнай памяці. У сталіцы будзе працаваць некалькі тэматычных зон.
Першая разгорнецца каля Палаца спорту – з 7 па 9 мая тут арганізаваны святочны кірмаш. 9 мая адбудзецца канцэртная праграма "Мы памятаем, мы ганарымся". Яна пройдзе з 12:00 да 23:00.
Другая зона святкаванняў добраўпарадкавана ўздоўж праспекта Пераможцаў ад Палаца спорту да стэлы "Мінск – горад-герой". Запланаваны квэст "Школа маладога байца", можна будзе прагуляцца па партызанскай стаянцы і пабываць на пляцоўцы "Салдацкі прывал". А яшчэ – канцэрты з франтавымі песнямі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
З канцэртамі, феерверкам, але без парада: як пройдзе 9 Мая ў Мінску
Пуцін павіншаваў лідараў і народы замежных дзяржаў з Днём Перамогі
VR-рэканструкцыя і фотавыстава: Sputnik зноў запусціў спецпраекты ў Брэсцкай крэпасці
Дзень Перамогі ў Гомелі: шэсце, факстрот і "Карэспандэнцкая застольная"
Удзельнік шэсця на Краснай плошчы з Беларусі: гэта мая місія
Больш за 200 машын прынялі ўдзел у аўтапрабегу да 9 мая ў Брэсце
Фотафакт: кіраўнік МУС усклаў вянок каля Кургана Славы
Стужка навiн
0