Адбіраць уласнасць нікому не дазволена: Лукашэнка пра порт Клайпеды

© Photo : пресс-служба президента БеларусиПрэзідэнт Беларусі Аляксандр Лукашэнка
Прэзідэнт Беларусі Аляксандр Лукашэнка - Sputnik Беларусь, 1920, 11.08.2022
Падпісацца на
НовостиTelegram
Беларускія ўлады пасля ўвядзення санкцый вымушаны былі адмовіцца ад экспарту калію праз літоўскі порт, бо Вільнюс яго заблакіраваў.
МІНСК, 11 жні – Sputnik. Беларусь зробіць крокі ў адказ у дачыненні да Літвы пасля недружалюбных дзеянняў, заявіў прэзідэнт Беларусі Аляксандр Лукашэнка ў Палацы Незалежнасці на нарадзе па экспарце.
Паводле яго слоў, акрамя ўвядзення санкцый супраць беларускага калію літоўскі бок забраў па факце беларускую ўласнасць. У Клайпедзе 30% акцый тэрмінала па перавалцы сыпучых грузаў належала "Беларуськалію".
"Мала таго, што гэтыя санкцыі незаконна ўвялі, дык яшчэ і фактычна забралі вашу ўласнасць", - канстатаваў Лукашэнка, словы якога прыводзіць яго прэс-служба.
Пасля чаго беларускі прэм’ер Раман Галоўчанка гранічна канкрэтызаваў сітуацыю словам "адціснулі".
У адказ на гэта беларускі лідар заявіў, што "гэта не павінна беспакарана прайсці". "Прадумайце і мне далажыце, якія меры мы можам і прымем у бліжэйшы час і ў сярэднетэрміновай перспектыве. Адбіраць, адціскаць уласнасць нікому не дазволена", - сказаў кіраўнік дзяржавы.
Беларускі лідар таксама нагадаў аб сітуацыі, якая склалася вакол беларускага санаторыя. Усё гэта ў сукупнасці прыводзіць да страты значных грошай. Таму неабходны крокі ў адказ, якія будуць зроблены.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка назваў слабае звяно ў экспарце калійных удабрэнняў
Грузаабарот дасягнуў дна: Клайпедскі порт практычна пазбавіўся транзіту
Як ва ўмовах санкцый выжываюць беларускія нафтавікі і калійшчыкі?
Літва можа даскакацца – Лукашэнка
Лукашэнка растлумачыў, як можа адказаць на "чахарду" па Клайпедскім порце
Стужка навiн
0