Надзвычайнае здарэнне на "Паўночным патоку": Захарава адказала экс-кіраўніку МЗС Польшчы

© Sputnik / Григорий Сысоев / Перайсці ў медыябанкАфіцыйны прадстаўнік МЗС Расіі Марыя Захарава
Афіцыйны прадстаўнік МЗС Расіі Марыя Захарава - Sputnik Беларусь, 1920, 28.09.2022
Падпісацца на
НовостиTelegram
Былы польскі міністр Радаслаў Сікорскі раней выказаў падзяку Вашынгтону за пашкоджанне газаправодаў.
МІНСК, 28 вер – Sputnik. Ці можна лічыць афіцыйнай заявай аб тэракце падзяку за пашкоджанне газаправода "Паўночны паток" ад былога міністра замежных спраў Польшчы, еўрадэпутата Радаслава Сікорскага ў адрас ЗША, такое пытанне задала афіцыйны прадстаўнік МЗС Расіі Марыя Захарава.
Раней экс-кіраўнік польскага МЗС у сваіх сацсетках выказаўся наконт пашкоджання "Паўночнага патоку".
"Дробязь, а прыемна," - напісаў ён у Twitter пад здымкам з месца аварыі і падзякаваў Вашынгтону, не ўдакладніўшы пры гэтым, што маецца на ўвазе. Пазней Сікорскі ў сваім профілі працытаваў прэзідэнта ЗША Джо Байдэна, які раней пагражаў знішчыць газаправод "Паўночны паток - 2".
"Гэта афіцыйная заява аб тэракце?" - напісала Захарава ў сваім Telegram-канале ў аўторак.

Уцечкі на "Паўночным патоку"

Уцечкі на газаправодах "Паўночны паток" і "Паўночны паток - 2" выявілі ў панядзелак. Адна з іх – на "Паўночнам патоку - 2", запоўненым тэхнічным газам, - адбылася каля дацкага вострава Борнхальм, яшчэ дзве здарыліся на "Паўночным патоку".
Геалагічная служба Даніі паведаміла, што ў той жа час, калі здарыліся ўцечкі з ветак газаправодаў "Паўночны паток", былі зарэгістраваны два штуршкі ў Балтыйскім моры, "больш падобныя на выбухі, чым на тыя, што фіксуюцца пры землятрусах".
Кіраўнік МЗС Швецыі Анн Ліндэ заявіла, што інцыдэнты з уцечкай газу адбыліся з прычыны "выбухаў", верагодна, "выкліканых сабатажам".
"Мы працягваем збіраць інфармацыю і не выключаем ніякай прычыны, дзеючай асобы або матыву", - напісала міністр у сацсетцы.
З-за інцыдэнту адбылося зніжэнне ціску ў газаправодах.

ЗША папярэджвалі

Раней улады ЗША папярэджвалі Германію аб магчымых атаках на газаправоды "Паўночны паток" і "Паўночны паток - 2", пра гэта паведаміла нямецкае выданне Spiegel са спасылкай на свае крыніцы.
Прэс-сакратар Белага дома Карын Жан-П’ер у сваю чаргу заявіла, што Вашынгтон не мае намеру "спекуляваць" аб прычынах уцечак на газаправодах і гатоў аказаць садзейнічанне краінам Еўропы.
Афіцыйны прадстаўнік амерыканскага Міністэрства абароны Пэт Райдэр заявіў, што на дадзены момант не валодае інфармацыяй, якую мог бы агучыць.
"Відавочна, што мы працягнем пільны маніторынг", – сказаў ён.

Адказ на парушэнне

Кіраўнік Еўракамісіі Урсула фон дэр Ляйен прыгразіла адказам на "наўмыснае парушэнне" еўрапейскай энергетычнай інфраструктуры. Пры гэтым яна не ўдакладніла, хто мог быць вінаватым у інцыдэнце.
Яна таксама заявіла, што неабходна правесці расследаванне надзвычайнага здарэння і атрымаць "поўную яснасць аб падзеях і прычынах".

Што гавораць у Крамлі

У Крамлі пракаменціравалі тое, што адбылося. Пра тое, што Масква надзвычай занепакоена інфармацыяй аб падзенні ціску і разбурэннях на нітках "Паўночных патокаў", заявіў у аўторак прэс-сакратар прэзідэнта РФ Дзмітрый Пяскоў.
Ён назваў гэтую сітуацыю беспрэцэдэнтнай і заявіў, што яна патрабуе хуткага разбору.
Пры гэтым Пяскоў таксама не выключыў, што падзенне ціску ў трубаправодзе магло стаць вынікам якога-небудзь наўмыснага дзеяння.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
У Крамлі занепакоены звесткамі аб парушэннях на нітках "Паўночных патокаў"
Вучыч прадказаў Еўропе "палярную зіму"
Кошт газу ў Еўропе зімой можа перавысіць $4000 за тысячу "кубоў"
Экс-канцлер ФРГ Шрэдар заклікаў запусціць "Паўночны паток - 2"
Пяскоў пракаменціраваў інфармацыю аб экспрапрыяцыі "Паўночнага патоку - 2"
Стужка навiн
0