МІНСК, 25 ліс – Sputnik. Расія заклікае краіны Захаду перагледзець абмежавальныя меры ў дачыненні да беларускай авіяцыі, заявіла ў чацвер на брыфінгу афіцыйны прадстаўнік МЗС РФ Марыя Захарава.
"Мы заклікаем краіны Захаду перагледзець свае падыходы і адмяніць свае неправамерныя абмежавальныя меры, якія яны ўвялі супраць беларускай авіяцыі. Трэба мець хаця б нейкі гонар", - сказала яна.
Па словах Захаравай, заходнія краіны маюць намер выкарыстоўваць у сваіх санкцыйных мэтах вынікі працы групы ICAO.
"Тым, хто ўвёў санкцыі супраць Беларусі, па-ранейшаму не ўдаецца знайсці пераканаўчыя довады ў апраўданне сваёй палітыкі ў дачыненні да Мінска. Яны проста, відаць, спадзяюцца выкарыстоўваць у гэтых мэтах вынікі работы групы ICAO", - зазначыла дыпламат.
Польшча і мігранты на мяжы
Захарава таксама выказалася на тэму міграцыйнага крызісу на беларуска-польскай мяжы. Паводле яе слоў, нягледзячы на распачаты дыялог паміж Берлінам і Мінскам па гэтым пытанні, Варшава відавочна не збіраецца адмаўляцца ад запалохвання мігрантаў на мяжы.
"Нягледзячы на тое, што дзякуючы запуску прамога дыялогу Берліна і Бруселя з Мінскам удалося дабіцца некаторага паляпшэння сітуацыі на мяжы, у Варшаве відавочна не збіраюцца адмаўляцца ад грубай практыкі аказання ціску на мігрантаў, як мы разумеем, з мэтай іх запалохвання, вяртання на радзіму, дзе ім можа пагражаць небяспека", - сказала Захарава.
Чытайце таксама:
Пікет на мяжы: мігранты патрабуюць ад ЕС адкрыць гуманітарны калідор
Польшча не хоча ўводзіць новыя санкцыі супраць Беларусі
Пуцін абмеркаваў "беларускіх" мігрантаў з кіраўніком Еўрасавета
Мігранты паспрабавалі прайсці ў Польшчу – сілавікі адкрылі стральбу
Польшча пакуль не збіраецца адкрываць пункт пропуску "Кузніца"
Кісялёў: ЕС і Польшча ў дачыненні да бежанцаў дэманструюць жорсткасць
Палякі выкарыстоўвалі два тыпы светлашумавых гранат супраць мігрантаў – ДКСЭ
Патрушаў: мігранты на мяжы Беларусі і Польшчы – заложнікі дзеянняў Захаду
Лаўроў: Польшча бясчынствуе, а ЕС прымяняе двайныя стандарты