Навукоўцы: "Спутник V" дае ў два разы больш антыцел да "амікрона", чым Pfizer

МІНСК, 20 сту - Sputnik. Расійская вакцына "Спутник V" нейтралізуе актыўнасць амікрон-штама каронавіруса ў два разы лепш, чым прэпарат ад кампаніі Pfizer, паведамілі ў РФПІ і Цэнтры імя Гамалеі па выніках сумеснага даследавання з італьянскім Нацыянальным інстытутам інфекцыйных захворванняў Lazzaro Spallanzani ("Спалланцані"), перадае РІА Навіны.

Акрамя таго, спецыялісты прыйшлі да высновы, што "Спутник Лайт" у якасці бустэра павялічвае віруснейтралізуючую актыўнасць супраць "амікрона" да ўзроўняў, супастаўных з тытрамі, якія "Спутник V" фарміруе супраць зыходнага штама.

"Спутник Лайт" з'яўляецца ўніверсальным бустэрам для іншых вакцын дзякуючы аптымальнай канфігурацыі адэнавіруснай платформы ў аснове вакцыны "Спутник", якая забяспечвае больш высокую абарону супраць штама "амікрон" і іншых мутацый, што пацверджана шматлікімі даследаваннямі", — дадалі ў РФПІ.

Такім чынам, расійскія і італьянскія даследчыкі прыйшлі да высновы, што ў рамках камбінаванага прымянення вакцын бусціраванне "Спутником Лайт" – лепшае рашэнне для павышэння эфектыўнасці іншых вакцын і падаўжэння перыяду абароны.

Даследаванне прайшло ў аднолькавых лабараторных умовах у Інстытуце Спалланцані ў Італіі на аснове супастаўных узораў сывараткі крыві асоб, вакцынаваных "Спутником V" і прэпаратам Pfizer з падобнымі ўзроўнямі IgG-антыцел і віруснейтралізуючай актыўнасці да зыходнага штама, зарэгістраванага ва Ухане.

Вакцынацыя застаецца самым эфектыўным спосабам барацьбы з інфекцыяй. Паводле слоў кіраўніка расійскага Міністэрства аховы здароўя Міхаіла Мурашкі, доля прышчэпленых сярод захварэлых на COVID-19 не перавышае чатырох працэнтаў, цяжкіх выпадкаў – адзінкі, пераважная большасць пацыентаў у стацыянарах – гэта непрышчэпленыя.