МІНСК, 11 лют – Sputnik. Новы мост адкрылі для руху пешаходаў і транспарту на вуліцы Няміга ў Мінску, перадае карэспандэнт Sputnik.
Раней у прэс-службе "Мінсктранса" расказалі, што нанава адбудаваны пуцеправод павінен запрацаваць вечарам у чацвер 10 лютага.
Рух па мосце аднавіўся, як і планавалі сталічныя ўлады, у 23:00 чацвярга – увечары па ім праехалі першыя машыны і прайшлі пешаходы.
Пры гэтым рабочыя яшчэ "наводзяць марафет" – падфарбоўваюць металічныя канструкцыі, аднак гэта не ўплывае на дарожны рух.
Варта адзначыць, што будаўнікі ўклаліся ў адведзены для ўзвядзення пуцеправода тэрмін – на ўсе работы, якія вяліся кругласутачна, у ААТ "Мостабуд" пайшоў месяц.
Мост, які рухнуў
У ноч на суботу, 8 студзеня, адбылося абрушванне пешаходнай часткі пуцеправода на Нямізе. На шчасце, ніхто не пацярпеў.
Як паведамлялі ўлады, мост у цэнтры сталіцы абследаваўся кожны год, у сакавіку 2021-га ён прайшоў такую праверку, было дадзена заключэнне аб далейшай эксплуатацыі.
Крыху пазней спецыялісты назвалі прычыну надзвычайнага здарэння – "стомленасць канструкцыі ў сувязі з работай метро і павышанай нагрузкай з-за скачкоў тэмператур". Па факце абрушэння моста следчымі распачаты дзве крымінальныя справы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
У Беларусі адкрыюць яшчэ адзін вялікі мост у 2022 годзе
У Беларусі больш не будуць будаваць новыя дарогі – Мінтранс
Пасля надзвычайнага здарэння на Нямізе: якія масты адрамантуюць у Мінску ў 2022 годзе
Канструкцыі сабраны: мэр Мінска - аб узвядзенні моста на Нямізе
Архітэктар расказаў, што прывяло да разбурэння часткі моста на Нямізе