У Беларусі больш не будуць будаваць новыя дарогі – Мінтранс
10:21 09.02.2022 (абноўлена: 12:20 09.02.2022)
© Sputnik / Александр Кряжев
/ Падпісацца
У міністэрстве таксама пракаменціравалі сітуацыю з крытычнай ямачнасцю на выездах з беларускай сталіцы.
МІНСК, 9 лют – Sputnik. Дзяржаўная праграма "Дарогі Беларусі" на 2021-2025 гады прадугледжвае адыход ад будаўніцтва новых дарог, каб засяродзіцца на рамонце пакрыццяў, паведамілі ў Міністэрстве транспарту і камунікацый Рэспублікі Беларусь.
Агульная працягласць аўтамабільных дарог Беларусі – 86 тысяч кіламетраў. З іх 87% – гэта дарогі з цвёрдым пакрыццём. Па шчыльнасці на тысячу квадратных кіламетраў плошчы ў рэспубліцы прыпадае 364 кіламетры аўтадарог. Гэты паказчык – самы высокі з усіх краін былога Савецкага Саюза і супастаўны з еўрапейскім. Як утрымліваць і абслугоўваць такую маштабную сетку, расказалі ўдзельнікі прэс-канферэнцыі ў мультымедыйным прэс-цэнтры Sputnik Беларусь.
Што адбываецца з дарогамі?
Паводле слоў начальніка галоўнага ўпраўлення аўтамабільных дарог Міністэрства транспарту і камунікацый Рэспублікі Беларусь Аляксандра Галаўнёва, якасць айчынных дарог зніжаецца, штогод значна павялічваюцца аб’ёмы ямачнага рамонту.
"Прычына не ў тэхналогіях – прычына ў міжрамонтных тэрмінах. Напрыклад, самы дрэнны стан цяпер – у дарог на выхадах з Мінска, якія ў 2000 годзе былі капітальна адрамантаваны. Прайшло 20 гадоў, і там нічога не рабілі ў частцы рамонту", - расказаў Галаўнёў.
Выбоіны, ямы на дарогах, паводле слоў спецыяліста, у першую чаргу з’яўляюцца з-за невыканання міжрамонтных тэрмінаў.
"Ямачны рамонт – гэта наогул самы неэфектыўны спосаб укладання грошай. Квадратны метр ямачнага рамонту каштуе ў восем разоў даражэй, чым метр новага пакрыцця", - адзначыў спікер.
У прыватнасці, у суседняй Расіі, дзе клімат у сярэдняй паласе супастаўны з беларускім, пакрыццё дарог федэральнага значэння практычна не мае дэфектаў. Уся справа ў тэхналогіях абслугоўвання і рамонту.
"Існуе паняцце "слой зносу", які трэба мяняць раз у сем гадоў. У Расіі гэта ўжо зроблена нормай. Незалежна ад стану пакрыцця, чатыры сантыметры фрэзеруюцца (здымаюцца – Sputnik), укладваецца новы пласт. Гэта дазваляе адысці ад паняцця ямачнага рамонту", - сказаў Галаўнёў.
Спікер адзначыў, што такая тэхналогія патрабуе вялікіх рэсурсаў. Тым больш, калі, як кажуць, трэба адрамантаваць усё і адразу.
"Але ва ўмовах, калі мы павінны лічыць грошы, і вельмі сур'ёзна лічыць, накіраваць усе грошы на нейкую адну дарогу і яе адрамантаваць, а на астатніх стварыць непраязджальнасць – такога дапусціць нельга. Таму даводзіцца ўсюды распыліваць вось гэты ямачны рамонт", - дадаў спікер.
Таксама ён дадаў, што ямачны рамонт, які праводзяць у зімовых умовах, трэба перарабляць пры надыходзе станоўчых тэмператур.
"Зімовы рамонт – часовая мера, каб засцерагчы ўдзельнікаў дарожнага руху ад аварый", - сказаў Галаўнёў.
Тэрмін – пяцігодка
У рэспубліцы прынята дзяржаўная праграма "Дарогі Беларусі" на 2021-2025 гады. Яе задача – прывесці дарожную сетку краіны ў нармальны стан.
"Асаблівасць праграмы "Дарогі Беларусі" – у тым, што мы спрабуем усімі сіламі адысці ад новага будаўніцтва дарог і засяродзіцца на рамонце пакрыццяў", - адзначыў спікер.
Па словах прадстаўніка Мінтранса, выключэнне складзе будаўніцтва дарог абходу вакол буйных гарадоў, каб зняць транзітную нагрузку. Цяпер абводныя трасы цягнуць у абход Магілёва і Міра.
"Што да лічбаў, плануецца рэканструкцыя 509 кіламетраў рэспубліканскіх дарог. Па мясцовых дарогах такой лічбы ў нас няма. У праграме ідзе адным радком 7 тысяч кіламетраў па ўсіх відах рамонту і рэканструкцыі", - растлумачыў Галаўнёў.
Як адзначыў намеснік міністра архітэктуры і будаўніцтва Рэспублікі Беларусь Аляксей Ананіч, у краіне існуе жорсткі рэгламент па будаўніцтве і рэканструкцыі дарог.
Намеснік міністра архітэктуры і будаўніцтвы Рэспублікі Беларусь Аляксей Ананіч
© Sputnik / Victor Tolochko
"Мы распрацоўваем сумесна з Мінтрансам гэтыя дакументы. У Беларусі прыняты ТКП, якія рэгулююць пытанні праектавання і будаўніцтва аўтамабільных дарог. Для тых, хто займаецца гэтым відам дзейнасці, яны з’яўляюцца базавымі дакументамі, якія вызначаюць патрабаванні да праектуемых дарог. Акрамя таго, у сваіх нарматыўна-прававых актах, якія распрацоўваем, прапісваем патрабаванні аб неабходнасці наладжвання пакрыццяў дарог", - рэзюміраваў намеснік міністра.
Гэта значыць зэканоміць на якасці немагчыма. Інакш такая дарога не будзе прынята ў эксплуатацыю.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
У Беларусі адкрыюць яшчэ адзін вялікі мост у 2022 годзе
Змыла з асфальтам: як выглядае дарога ў Гродна пасля ліўня – відэа
Пасля надзвычайнага здарэння на Нямізе: якія масты адрамантуюць у Мінску ў 2022 годзе
Рэканструкцыя М7: што чакае дарогу Мінск-Вільнюс
Амаль за $2 млн: масты адрамантуюць на дарогах Мінскай вобласці
