МІНСК, 23 сне – Sputnik. Стратэгія па барацьбе з карупцыяй у Беларусі складаецца з сямі асноўных блокаў, заявіў генеральны пракурор Андрэй Швед журналістам перад каардынацыйнай рэспубліканскай нарадай па барацьбе з карупцыяй і злачыннасцю.
Паводле яго слоў, у рэспубліцы створаны план па барацьбе са злачыннасцю, які быў распрацаваны сумесна з урадам. Для кожнага ведамства ім прадугледжаны канкрэтныя дзеянні.
"Стратэгія па барацьбе з карупцыяй – гэта новы дакумент, які прыняты ўпершыню ў нашай краіне", - звярнуў увагу генеральны пракурор.
Пры гэтым Швед удакладніў, што сама стратэгія складаецца з сямі блокаў, але асноўны ўпор зроблены на тое, каб максімальна ўключыць грамадскасць у работу па барацьбе з карупцыяй.
"Павінна быць дзейсная зваротная сувязь паміж праваахоўнікамі, якія павінны інфармаваць (у адпаведнасці з апошнімі зменамі ў законе аб барацьбе з карупцыяй) наймальнікаў, службовых асоб аб фактах карупцыі і патрабаваць ад іх, каб кіраўнікі прымалі дзейсныя меры не толькі па ўстараненні наступстваў, але і прафілактыцы. З іншага боку, мы чакаем, што самі людзі, калектывы будуць актыўна інфармаваць праваахоўныя органы аб тым, што ёсць прыкметы, ёсць інфармацыя, якая патрабуе праверкі аб тым, што асобныя службовыя асобы жывуць не па сродках", - расказаў ён.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Не спрабуйце набіць кішэні: прэзідэнт аб сітуацыі з санкцыямі
Лукашэнка пацвердзіў затрыманне 35 артапедаў-траўматолагаў
Знайшлі карупцыю? Генпракуратура праверыла канцэрн "Белдзяржхарчпрам"
Генпракуратура распавяла аб карупцыі ў сістэме ЖКГ