МІНСК, 25 сту – Sputnik. У Беларусі ўжо вядзецца абмеркаванне таго, якім чынам будзе фарміравацца міжведамасная камісія, якая будзе вырашаць пытанні вяртання на радзіму грамадзян краіны, што раней з’ехалі, паведаміў генеральны пракурор рэспублікі Андрэй Швед.
Нагадаем, аб рашэнні стварыць дадзеную камісію генпракурор заявіў у аўторак пасля нарады ў кіраўніка беларускай дзяржавы Аляксандра Лукашэнкі.
Дакладна вядома, што камісію ўзначаліць генеральны пракурор. Таксама ў яе склад, паводле інфармацыі Шведа, увойдуць кіраўнікі сілавых структур, грамадскасці, дэпутацкага корпуса, прадстаўнікі сродкаў масавай інфармацыі і "іншых слаёў нашага грамадства, напрыклад, навуковых колаў".
"Цяпер пытанне гэтае вырашаецца, склад камісіі абмяркоўваецца і фарміруецца", - заявіў генпракурор у эфіры тэлеканала "Беларусь 1".
Як будзе працаваць камісія?
Як растлумачыў кіраўнік Генпракуратуры, камісія будзе засядаць па меры неабходнасці. На пасяджэннях будуць заслухоўвацца заявы, якія паступілі, ажыццяўляцца дэталёвы і падрабязны аналіз і абмеркаванне.
"Камісія будзе прымаць рашэнні, калі яна будзе ў поўным аб’ёме дасведчана, якая інфармацыя ёсць, у чым заключаецца гэтая інфармацыя, якія прэтэнзіі ёсць ці не. Адпаведна, тады мы проста будзем даваць растлумачэнне, аўтаматычна рыхтаваць адпаведны ліст заяўніку", - расказаў генпракурор.
Вярнуцца і пакаяцца
Раней ідэю вяртання грамадзян, якія з’ехалі, неаднаразова агучваў прэзідэнт Беларусі Аляксандр Лукашэнка.
Так, 14 студзеня 2023 года ён заявіў, што, на яго думку, большая частка праціўнікаў улады змяніла сваё меркаванне.
У 2022 годзе прэзідэнт таксама прапаноўваў варыянт развіцця падзей для апазіцыянераў, якія з’ехалі з краіны.
"Мая вам парада – дадому, кайцеся і станавіцеся на калені. Заплаціце штрафныя санкцыі за нанесеную шкоду, хаця б часткова", - заявіў тады Лукашэнка.
Прэзідэнт прапаноўваў у камісію, якая вырашыць, каму можна вярнуцца ў Беларусь, уключыць генеральнага пракурора і журналіста Рыгора Азаронка.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Камісію па вяртанні грамадзян, якія з’ехалі за мяжу, створаць у Беларусі
Лукашэнка заклапаціўся памілаваннем тых, хто спатыкнуўся ў 2020-м
Завочны суд над Ціханоўскай пачаўся ў Мінску
Нобелеўскага лаўрэата Бяляцкага пачалі судзіць у Мінску
КДБ абнавіў "тэрарыстычны спісак" яшчэ пяццю прозвішчамі