Конкурс песні Еўрабачанне (Eurovision Song Contest) праводзіцца штогод з 1956 года. Удзельнічаць у шоу маюць права краіны - члены Еўрапейскага вяшчальнага саюза (EBU), аднак у гісторыі Еўрабачання былі і выключэнні - напрыклад, допуск да праекту прадстаўнікоў ад Аўстраліі. Паводле дадзеных тэлерэйтынгаў, кожны год Еўрабачанне глядзяць каля 200 мільёнаў чалавек, што робіць яго самым папулярным тэлевізійным праектам у Еўропе.
Па правілах Еўрабачання, яго праводзяць у той краіне, прадстаўнік якой перамог на папярэднім конкурсе. Арганізоўваюць шоу сумесна EBU і краіна-гаспадыня. Пераможцу ж вызначаюць падвойным галасаваннем: налічваюцца балы ад тэлегледачоў і ад сябраў прафесійнага журы з кожнай дзяржавы-ўдзельніцы.
Беларусь у Еўрабачанні ўдзельнічае з 1994, аднак не вельмі паспяхова. Максімальным вынікам для беларускіх выканаўцаў стала шостае месца Дзімы Калдуна ў 2006 - тады ён выконваў напісаную Філіпам Кіркоравым песню "Work Your Magic".
Акрамя Калдуна, ад Беларусі ў фінал Еўрабачання выходзілі выканаўцы Алена Ланская і Тэа, а таксама група 3+2. Астатнія канкурсанты не праходзілі далей паўфіналу.
У 2017 годзе Беларусь на Еўрабачанні прадставіць група Naviband з песняй "Гісторыя майго жыцця".
